मिळंदमधील विद्यार्थ्यांना शैक्षणिक साहित्य

-rat९p७.jpg ः
P२५N७६३६५
राजापूर ः मिळंद शाळेत शैक्षणिक साहित्य वाटप करताना मान्यवर.
------
मिळंदमधील विद्यार्थ्यांना शैक्षणिक साहित्य वाटप
स्वामी स्वरूपानंद सेवा मंडळाचा पुढाकार ; सामाजिक उपक्रम
सकाळ वृत्तसेवा
पावस, ता. ९ ः येथील स्वामी स्वरूपानंद सेवा मंडळाकडून मिळालेल्या देणगीतून जिल्हा परिषद प्राथमिक मिळंद येथील विद्यार्थ्यांना शैक्षणिक साहित्य वाटप करण्यात आले. या शाळेचे माजी विद्यार्थी सुधीर विश्वासराव यांनी सामाजिक बांधिलकी जपून स्वामी स्वरूपानंद सेवा मंडळाकडून शाळेसाठी देणगी मिळवून दिली. त्यामधून हे शैक्षणिक साहित्य ग्रामीण भागातील मुलांना वितरित करण्यात आले.
मिळंद शाळेत झालेल्या कार्यक्रमावेळी मुख्याध्यापक राजेंद्र चौगले म्हणाले, या ग्रामीण भागातील मुलांना चांगल्या तऱ्हेने शिक्षण घेता यावे आणि ती मुले शिक्षणापासून वंचित राहू नयेत हा प्रमुख दृष्टिकोन आहे. रत्नागिरी पावस येथील श्री. स्वामी स्वरूपानंद सेवा मंडळाच्या माध्यमातून गेले अनेक वर्ष देणगीच्या माध्यमातून शैक्षणिक साहित्य दिले जाते. या संस्थेच्या माध्यमातून शैक्षणिक खर्च केला जात आहे. त्यामुळेच दरवर्षी प्रत्येक विद्यार्थ्याला शैक्षणिक साहित्य मिळत आहे. साहित्य वितरणावेळी उपशिक्षक धनाजी म्हसवेकर, शाळा व्यवस्थापन समिती अध्यक्ष रमाकांत मोरे, अंगणवाडी सेविका सविता चव्हाण, श्वेता विश्वासराव, शाळा व्यवस्थापन सदस्य व पालक उपस्थित होते.