सागरी जीवशास्त्रीय संशोधन केंद्रात कृषी सप्ताह

-rat९p१९.jpg-
२५N७६४१३
रत्नागिरी : सागरी जीवशास्त्रीय संशोधन केंद्रात कृषी सप्ताहानिमित्त वृक्षारोपण करताना संशोधन केंद्रप्रमुख डॉ. केतन चौधरी व अधिकारी, कर्मचारी.
----
‘सागरी संशोधन केंद्रात’ कृषी सप्ताह
विविध उपक्रमांचे आयोजन ; वृक्षांचीही लागवड
सकाळ वृत्तसेवा
रत्नागिरी, ता. ९ : कोकण कृषी विद्यापीठ अंतर्गत झाडगाव येथे सागरी जीवशास्त्रीय संशोधन केंद्रात महाराष्ट्राचे माजी मुख्यमंत्री (कै.) वसंतराव नाईक यांची जयंती कृषिदिन म्हणून साजरी झाली. तसेच कृषी सप्ताहात विविध उपक्रम राबवण्यात आले.
संशोधन केंद्रप्रमुख व वरिष्ठ वैज्ञानिक अधिकारी डॉ. केतन चौधरी यांनी वसंतराव नाईक यांच्या प्रतिमेस पुष्पहार अर्पण केला. सर्व अधिकारी आणि कर्मचारी यांनी अभिवादन केले. सागरी जीवशास्त्रीय संशोधन केंद्राच्या प्रक्षेत्रावर जागेच्या उपलब्धतेनुसार वृक्षारोपण करण्यात आले. या वेळी नारळ, बदाम, जांभूळ अशा फळझाडांची आणि शोभिवंत झाडांची लागवड करण्यात आली.
कृषी विद्यापिठाचे कुलगुरू डॉ. संजय भावे, विस्तार शिक्षण संचालक डॉ. मकरंद जोशी आणि संशोधन संचालक डॉ. प्रशांत शहारे, डॉ. केतन चौधरी यांचे मार्गदर्शन लाभले. कार्यक्रम यशस्वी पार पाडण्याकरिता सहयोगी संशोधन अधिकारी व प्राध्यापक डॉ. आसिफ पागारकर, अभिरक्षक डॉ. हरिश धमगये, सहाय्यक संशोधन अधिकारी प्रा. नरेंद्र चोगले व प्रा. सचिन साटम, जीवशास्त्रज्ञ व्ही. आर. सदावर्ते, वरिष्ठ संशोधन सहाय्यक ए. एन. सावंत, वरिष्ठ प्रयोगशाळा सहाय्यक रमेश सावर्डेकर यांनी विशेष सहभाग नोंदवला.