इंजिनिअरींग व एमएमएसचा निकाल ८८.७२ टक्के

इंजिनिअरिंग व एमएमएसचा निकाल ८८.७२ टक्के
माने कॉलेजचे यश; कॉम्प्युटर इंजिनिअरिंग शाखेचा निकाल १०० टक्के
साडवली, ता. ९ : अभियांत्रिकी पदवी अभ्यासक्रमाच्या शेवटच्या वर्षाचा निकाल जाहीर झाला असून, राजेंद्र माने कॉलेज ऑफ इंजिनिअरिंग अँड टेक्नॉलॉजी महाविद्यालयाच्या इंजिनिअरिंग व एमएमएस विभागाचा निकाल ८८.७२ टक्के लागला.
महाविद्यालयातील कॉम्प्युटर इंजिनिअरिंग या शाखेचा निकाल १०० टक्के लागला आहे. यामध्ये ६८ विद्यार्थी उत्तीर्ण झाले. त्यात अभिषेक भुवड ९.३४ गुणांसह महाविद्यालयात प्रथम आला. सायली डांगे ९.०८ गुण मिळवून दुसरी आणि यश सावर्डेकर ८.८९ गुणांसह तिसऱ्या क्रमांकावर आहे. अभिषेक आणि सायली यांची जप्फा कॉम्फिडमध्ये, तर यश सावर्डेकरची पुण्यातील किरण ॲकॅडमीत कॅम्पसमधून निवड झाली आहे. मेकॅनिकल इंजिनिअरिंग व ऑटोमोबाईल इंजिनिअरिंग शाखेचा निकाल ६७.८५ टक्के लागला असून, मेकॅनिकल इंजिनिअरिंग शाखेचा स्मित संसारे ८.८० गुणांसह प्रथम, तेजस चव्हाण ७.९४ गुणांसह दुसरा तर साक्षी सातोसे ७.८६ गुणांसह तिसरी आली आहे. ऑटोमोबाईल इंजिनिअरिंगमधील अथर्व पेठे ७.०८ गुणांसह महाविद्यालयात प्रथम आला असून, त्याची पुण्यातील अॅंड्रॉईड एंटरप्राईज कंपनीमध्ये निवड झाली आहे.
एमएमएस या महाविद्यालयातील पदव्युत्तर विभागाचा निकाल ९०.३२ टक्के जाहीर झाला. त्यात तनया शिगवण ८.७३ गुणांसह महाविद्यालयामध्ये प्रथम, प्रतीक कांबळे ८.६४ गुणांसह द्वितीय, तर यश लिमयेने ८.१३ गुणांसह तृतीय क्रमांक पटाकावला.