बांदा लकरकोट येथे आज गुरुपौर्णिमा

बांदा लकरकोट येथे आज गुरुपौर्णिमा
बांदा, ता. ९ ः बांदा लकरकोट येथील श्री दत्त मंदिरात उद्या (ता. १०) गुरुपौर्णिमा उत्सवाचे आयोजन करण्यात आले आहे. त्यानिमित्त मंदिरात पहाटेपासून संपूर्ण दिवसभर विविध धार्मिक कार्यक्रम होणार आहेत. पहाटे पाच वाजता काकड आरती व षोड्शोपचार पूजा, सकाळी साडेसात वाजता श्री दत्त महाराजांची महापूजा, साडेआठ वाजता श्री दत्त महाराजांच्या सेवेत रुजू करण्यात येणाऱ्या प्रभावळीवर शुद्धीकरण अभिषेक, दुपारी १ वाजता महाआरती, महानैवैद्य व सामूहिक गाऱ्हाणे, दीड वाजता महाप्रसादास आरंभ होईल. सायंकाळी पाच ते नऊ या वेळेत भजनांचा कार्यक्रम, रात्री साडेदहा वाजता शेजारती होईल. सर्व भाविकांनी या सोहळ्याचा लाभ घेण्याचे आवाहन श्री दत्तप्रसाद कला, क्रीडा मंडळ लकरकोट बांदाच्या वतीने अध्यक्ष सुशांत पांगम आणि उपाध्यक्ष शुभम साळगावकर यांनी केले आहे.