शिवाजी पेठ, संभाजीनगर गावांचा नामविस्तार करा
76480
शिवाजी पेठ, संभाजीनगर
गावांचा नामविस्तार करा
रमाकांत राऊतांचे तहसीलदारांना निवेदन
तळेरे, ता. ९ : खारेपाटण (ता. कणकवली) ग्रामपंचायत हद्दीत येणाऱ्या शिवाजी पेठ व संभाजीनगर या दोन महसुली गावांच्या नावांमध्ये चुकीची महसुली एकेरी नोंद असल्याने त्यामध्ये तातडीने बदल करून यापुढे छत्रपती शिवाजी महाराज पेठ व छत्रपती संभाजी महाराज नगर असा त्याचा नामविस्तार करावा, अशी मागणी खारेपाटण माजी सरपंच रमाकांत राऊत यांनी केली.
सकल मराठा समाज बांधव खारेपाटण पंचक्रोशीच्यावतीने याबाबत कणकवली प्रांताधिकारी जगदीश कातकर व तहसीलदार दीक्षांत देशपांडे यांची भेट घेत त्यांना निवेदन दिले. महापुरुषांच्या नावांचा एकेरी उल्लेख होत असल्याची बाब शासनाच्या निदर्शनास आणून दिली. खारेपाटण ग्रामपंचायती अंतर्गत एकूण पाच महसुली गाव येतात. यापैकी शिवाजी पेठ व संभाजीनगर या दोन गावांच्या नावात आपल्या महाराष्ट्राच्या आराध्य दैवतांचे तथा राष्ट्रपुरुषांच्या नावांचा उल्लेख असल्याने शासनाच्या महसूल नोंद रजिस्टरला महापुरुषांच्या एकेरी नावाचा उल्लेख असल्याने ही बाब त्यांचा अनादर व अवमान करणारी आहे. त्यामुळे या महसुली गावांचा तातडीने नामविस्तार करून महापुरुषांचा आदर करावा, अशी मागणी राऊत यांनी निवेदनात केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.