गुहागर वरचापाट येथील सुरुबनाला लाटांचा तडाखा

-rat९p२७.jpg ः
२५N७६४५५
गुहागर ः वरचापाट येथे उधाणाच्या लाटांमुळे गणेश विसर्जन पाखाडीचे दगड उद्ध्वस्त झाले आहेत.
-rat९p२८.jpg-
२५N७६४५६
गुहागर ः लाटांच्या तडाख्यामुळे सुरूची झाडे मुळासह उखडली आहेत.
----
गुहागरातील सुरूबनाला लाटांचा तडाखा
झाडांची पडझड; विसर्जन पाखाडी उद्ध्वस्त, नारळबागांमध्ये पाणी शिरण्याची भीती
सकाळ वृत्तसेवा
गुहागर, ता. ९ : शहरातील वरचापाट स्मशानभूमी ते खाडीच्या मुखापर्यंत असलेल्या समुद्रकिनाऱ्यावरील २० वर्षापूर्वीची सुरू लागवड झाडांना उधाणाच्या लाटांचा तडाखा बसला आहे. अनेक झाडे उन्मळून पडली असून, किनाऱ्याची मोठ्या प्रमाणात धूप होत आहे. गुहागर नगरोत्थान योजनेतून ६ लाख रुपये खर्च करून नव्याने बांधण्यात आलेली गणपती विसर्जन पाखाडी पूर्ण उद्ध्वस्त झाली आहे.
रत्नागिरी गॅस अॅण्ड पॉवर कंपनीच्या जेटीच्या संरक्षणासाठी बांधण्यात आलेल्या बॅकवॉटर वॉलमुळे समुद्राच्या लाटेचा प्रवाह बदलला आहे. याचा मोठा फटका गुहागरच्या समुद्रकिनारी जाणवू लागला आहे. त्यातच होणारा छुपा वाळूउपसाही याला कारणीभूत असल्याचे बोलले जात आहे.
या लाटांनी २० वर्षापूर्वीपासूनची सुरूची असंख्य झाडे गिळंकृत केली आहेत. त्यामुळे समुद्राचे पाणी नारळाच्या बागांमध्ये शिरण्याची भीती आहे. त्यामुळे समुद्रावर जाण्याची वाट बंद झाली आहे. या घटनेची भाजपाचे तालुकाध्यक्ष अभय भाटकर, महिला आघाडी अध्यक्षा अपूर्वा बारगोडे, शहराध्यक्ष नरेश पवार, सरचिटणीस संतोष सांगळे, शहराध्यक्षा स्मिता जांगळी, सरचिटणीस प्रांजली कचरेकर, माजी नगरसेवक उमेश भोसले, गजानन वेल्हाळ, जिल्हा युवा उपाध्यक्ष संगम मोरे, मंगेश रांगळे, ग्रामस्थ प्रशांत कचरेकर, शशिकांत नरवणकर आदींनी पाहणी केली.
-----
चौकट
वरचापाट स्मशानभूमी ते खाडीच्या मुखापर्यंत तत्काळ बंधारा बांधण्यात यावा, अशी मागणी ग्रामस्थांनी भाजपाचे तालुकाध्यक्ष अभय भाटकर यांच्याकडे केली आहे. या विषयी तत्काळ पत्रव्यवहार करून हा बांधरा बांधण्यासाठी प्रयत्न करणार असल्याचे त्यांनी सांगितले.