क्राईम

गळफास घेऊन
तरुणाची आत्महत्या
रत्नागिरी ः तालुक्यातील वाटद-खंडाळा येथे परराज्यातील तरुणाने राहत्या रूममध्ये गळफास घेत आत्महत्या केली. ही घटना मंगळवारी (ता. ८) सायंकाळी पावणेसातच्या सुमारास उघडकीस आली. हिरसिंग मसरसिंग रजपूत (२१, मूळ रा. संचोर, राजस्थान, सध्या रा. वाटदा-खंडाळा, रत्नागिरी) असे गळफास घेतलेल्या तरुणाचे नाव आहे. रजपूत हा वाटद-खंडाळा येथील अंकूश तांबे यांच्याकडे भाड्याने रहात होता. मंगळवारी सायंकाळी त्याचे मामा तो राहात असलेल्या खोलीवर गेले असता त्यांचा भाचा हिरसिंग रजपूतने खोलीचा दरवाजा उघडला नाही म्हणून त्याच्या मामांनी दरवाजा जोरात उघडून आतमध्ये प्रवेश केला असता त्यांना हिरसिंग हा बेडरूमच्या सिलिंग पंख्याला टॉवेलने गळफास घेतलेल्या अवस्थेत दिसून आला. त्यांनी त्याला खाली उतरवून तातडीने प्राथमिक आरोग्यकेंद्र वाटद-खंडाळा येथे उपचारासाठी नेले असता तेथील वैद्यकीय अधिकाऱ्यांनी हिरसिंगला तपासून मृत घोषित केले. या प्रकरणी जयगड पोलिस ठाण्यात आकस्मिक मृत्यूची नोंद करण्यात आली आहे.