...तर सहकारात चांगले वातावरण निर्माण होईल !

...तर सहकारात चांगले वातावरण
निर्माण होईल ः एस.बी. पाटील
वाशिष्ठीमुळे शेतकऱ्यांना रोजगार संधी ; सहकार कार्यशाळा
(मेन २ कॉलम)
सकाळ वृत्तसेवा
चिपळूण, ता. १० : संकल्पपूर्तीचा सोहळा करण्याची चिपळूण नागरी पतसंस्थेची परंपरा महाराष्ट्रात रुजली तर सर्व प्रकारच्या संस्था चांगल्या पद्धतीने काम करतील आणि सहकारात आणखी चांगले वातावरण निर्माण होईल, असे कौतुगोद्गार सहकार व पणन वस्त्रोद्योग मंत्रालयाचे सेवानिवृत्त अप्पर आयुक्त तथा सहसचिव एस. बी. पाटील यांनी काढले.
ते चिपळूण नागरी आयोजित संकल्प मेळावा व सहकार कार्यशाळेप्रसंगी आयोजित कार्यक्रमात बोलत होते. हा संकल्प मेळावा व सहकार कार्यशाळा बहादूरशेखनाका येथील चिपळूण नागरीच्या ''सहकार भवन'' सभागृहात झाला. या वेळी संस्थेचे संस्थापक अध्यक्ष सुभाष चव्हाण यांनी प्रास्ताविकात संस्थेच्या ३२ वर्षाच्या वाटचालीचा आढावा घेतला. सहकार कार्यशाळेपूर्वी सुमारे नऊ कोटी रुपयांच्या ठेवी पतसंस्थेत संकलित झालेल्या आहेत. त्यासाठी मेहनत घेणाऱ्या सर्व कार्यकर्ते, समाजसेवक, संस्थेचे कर्मचारी यांचे त्यांनी कौतुक केले. संस्थेला वाहून घेतल्यासारखे काम केल्यामुळेच हे शक्य झाल्याचे त्यांनी सांगितले. ते म्हणाले, वाशिष्ठी डेअरी प्रकल्पामुळे शेतकऱ्यांना रोजगाराची संधी मिळाली आहे. शेतकरी दुग्ध व्यवसायाकडे वळत आहेत, ही चांगली बाब असून दुग्ध व्यवसायातून संपूर्ण कोकणात मोठं काम सुरू आहे. ते अधिक गतिमान होईल, सहकारातून समृद्धी, सहकारात व्यवस्थितपणे अर्थपुरवठा केला तर समृद्धी फार दूर नाही. ती समृद्धी साधण्यासाठी सहकाराशिवाय पर्याय नाही, असे चव्हाण यांनी सांगितले.

चौकट
काजू बी व आंबा खरेदी करणार
सहकारी संस्थेने शेतीपूरक दुग्ध व्यवसायाला चालना देतानाच स्वयंरोजगार संस्थेच्या माध्यमातून काजू बी आणि आंबा खरेदी करण्याचा निर्णय घेतला आहे. त्यामधून आंबा व काजू बागायतदारांसाठी बाजारपेठेची व्यवस्था होईल, असे सुभाष चव्हाण यांनी सांगितले.