इनरव्हील क्लब ऑफ कुडाळअध्यक्षपदी सानिका मदने

swt101.jpg
76604, 76603
सानिका मदने, सई तेली, गीतांजली कांदळगावकर, मेघा भोगटे, सायली प्रभू

इनरव्हील क्लब ऑफ कुडाळ
अध्यक्षपदी सानिका मदने
सचिवपदी सई तेली ः रविवारी पदग्रहण सोहळा
सकाळ वृत्तसेवा
कुडाळ, ता. १० ः इनरव्हील क्लब ऑफ कुडाळच्या नूतन अध्यक्षपदी सानिका मदने, सचिवपदी सई तेली, खजिनदारपदी गीतांजली कांदळगावकर यांची निवड करण्यात आली. तसेच आयएसओ मेघा भोगटे, एडिटर पीडीसी डॉ. सायली प्रभू यांची निवड झाली. वार्षिक पदग्रहण समारंभ रविवारी (ता. १३) दुपारी चार वाजता महालक्ष्मी हॉल कुडाळ येथे आयोजित केला असल्याची माहिती नूतन अध्यक्ष सानिका मदने यांनी दिली.
यावेळी राजीव पवार, डॉ. संजय केसरे, सचिन मदने, राकेश म्हाडदळकर, रवींद्र परब, दिनेश आजगावकर, डॉ. सायली प्रभू, शिल्पा बिले उपस्थित होते. इनरव्हील क्लब ऑफ कुडाळची २०२५-२६ या वर्षात नूतन कार्यकारिणी जाहीर करण्यात आली. यामध्ये आयपीपी संजना काणेकर, पल्लवी बोभाटे, शिल्पा बिले, ऋतुजा परब, मानसी जोशी, चित्रा बोभाटे, पद्मा वेंगुर्लेकर, राजश्री सावंत, मनाली नाईक यांचा समावेश आहे.
वार्षिक पदग्रहण समारंभ रविवारी (ता. १३) दुपारी चार वाजता महालक्ष्मी हॉल कुडाळ येथे आयोजित केला आहे. प्रमुख पाहुण्या इनरव्हील क्लब ऑफ कोल्हापूरच्या माजी अध्यक्ष मनीषा संकपाळ उपस्थित राहणार आहेत. इनरव्हीलच्या सदस्या मेघा शिरसाट यांच्या स्मृतिप्रीत्यर्थ स्वकर्तृत्वावर स्वावलंबी बनलेल्या स्मिता शिरसाट यांना पुरस्कार देऊन सन्मानित करण्यात येणार आहे. गुरुपौर्णिमेनिमित्त एका महिलेचा तसेच इनरव्हील सदस्यांच्या पाल्यांचा शैक्षणिक क्षेत्रात उल्लेखनीय कार्य केल्याबद्दल सन्मान करण्यात येणार आहे. वार्षिक पदग्रहण समारंभात १५ शालेय गरजू विद्यार्थ्यांना इनरव्हील ब्रॅण्डच्या वह्या वाटप करण्यात येणार आहेत. कुडाळ येथील डॉ. शिल्पा पवार यांना इनरव्हीलच्या नूतन सदस्यपदी पदग्रहण केले जाणार आहे. या वर्षातील इनरव्हीलची नवीन थीम ''स्टेपअप ॲन्ड लीड बाय एक्साम्पल'' अशी आहे. डिस्ट्रिक्ट ३१७ च्या डिस्ट्रिक्ट चेअरमन उत्कर्षा पाटील यांची निवड करण्यात आली असल्याचे डॉ. प्रभू यांनी सांगितले.