पैसाफंडचे दोन विद्यार्थी गुणवत्ता यादीत

- rat१०p३.jpg-
२५N७६५६४
संगमेश्वर ः शिष्यवृत्ती परीक्षेच्या गुणवत्ता यादीत चमकलेले पैसाफंड स्कूलचे दोन विद्यार्थ्यांसह शिक्षक.

पैसाफंडचे दोन विद्यार्थी गुणवत्ता यादीत
सकाळ वृत्तसेवा
संगमेश्वर, ता. १० ः प्राथमिक आणि माध्यमिक शिष्यवृत्ती परीक्षेची गुणवत्ता यादी जाहीर झाली असून, त्यात व्यापारी पैसाफंड संस्थेच्या पैसाफंड इंग्लिश स्कूलचे दोन विद्यार्थी गुणवत्ता यादीत आले आहेत. त्यात पाचवीतील विजय टकले आणि आठवीतील प्रज्ञा कांबळे यांचा समावेश आहे.
टकले याची नवोदय विद्यालयासाठीही निवड झाली आहे तर कांबळे या विद्यार्थिनीलादेखील एनएमएमएस परीक्षेची शिष्यवृत्ती प्राप्त झाली आहे. प्रशालेचे दोन्ही विद्यार्थी शिष्यवृत्ती परीक्षेच्या गुणवत्ता यादीत आल्यामुळे आज संस्था आणि प्रशालेतर्फे संस्था सचिव धनंजय शेट्ये, मुख्याध्यापक सचिनदेव खामकर, पर्यवेक्षक दिलीप मोरगे यांच्या हस्ते मार्गदर्शक शिक्षक आणि कर्मचाऱ्यांच्या उपस्थितीत गौरवण्यात आले. या वेळी शिष्यवृत्ती परीक्षेला मार्गदर्शन करणाऱ्या सर्व शिक्षकांनाही सन्मानित करण्यात आले.