पाट प्रशालेत विद्यार्थ्यांना व्यक्तिमत्व विकासाचे धडे

swt1013.jpg
76608
पाटः प्रशालेत विद्यार्थ्यांना मार्गदर्शन करताना अरविंद प्रभू.

पाट प्रशालेत विद्यार्थ्यांना
व्यक्तिमत्व विकासाचे धडे
सकाळ वृत्तसेवा
म्हापण, ता. १०ः एस. के. पाटील शिक्षण प्रसारक मंडळ पाट पंचक्रोशी, पाट संचलित एस. एल. देसाई विद्यालय, एस. आर. पाटील कनिष्ठ महाविद्यालय तथा डॉ. विलासराव देसाई कला, वाणिज्य, विज्ञान उच्च महाविद्यालय व (कै.) राधाबाई सामंत इंग्लिश मीडियम स्कूलमध्ये राज्यपालांच्या हस्ते राष्ट्रीय व राज्य सन्मान पुरस्कार प्राप्त इंडोको रेमेडीज लिमिटेड कंपनीचे सहाय्यक व्यवस्थापक अरविंद प्रभू यांनी आत्मविश्वास व व्यक्तिमत्व विकास या विषयांवर अतिशय रंजक पद्धतीने विद्यार्थ्यांचे उद्बोधन केले.
प्रभू यांनी त्यांच्या कंपनीमार्फत सी. एस. आर. फंडमधून सिंधुदुर्ग जिल्ह्यातील अनेक शैक्षणिक संस्थांना भरीव मदत केल्याने त्यांची शिक्षणाविषयीची तळमळ दिसून येते, असे मनोगत संस्था पदाधिकारी राजेश सामंत यांनी आपल्या भाषणातून व्यक्त केले. गुरुजनांचा आदर राखा. भरपूर वाचा, शेती-उद्योगांचे ज्ञान अवगत करा, असा संदेश प्रभू यांनी विद्यार्थ्यांना आपल्या भाषणातून दिला. प्रास्ताविक मुख्याध्यापक राजन हंजनकर, सूत्रसंचालन संदीप साळसकर यांनी केले. आभार तानाजी काळे यांनी मानले.