जेईई परीक्षेतील यशाबाबत अनुजा देसाई हिचा सत्कार

swt1016.jpg
76654
सावंतवाडी ः अनुजा देसाईचा माजी नवोदय अलुमनी असोसिएशनतर्फे सत्कार करण्यात आला.

जेईई परीक्षेतील यशाबाबत
अनुजा देसाई हिचा सत्कार
सकाळ वृत्तसेवा
सावंतवाडी, ता. १० ः जेईईसारख्या कठीण परीक्षेत यश मिळविलेली दोडामार्गची सुकन्या आणि सांगेली नवोदय विद्यालयाची विद्यार्थिनी अनुजा देसाई हिने संपूर्ण देशात सिंधुदुर्गचे नाव उज्ज्वल केले आहे. यासाठी माजी नवोदय अलुमनी असोसिएशनतर्फे तिचा सत्कार करण्यात आला. यापूर्वीही अनुजा दहावी, बारावी, सी.एस.आर.एल, आय.आय.टी.सारख्या परीक्षांत नेत्रदीपक यश संपादन करीत ‘सकुरा सायन्स एक्स्चेंज प्रोग्राम’च्या माध्यमातून विज्ञान व तंत्रज्ञान यांचा अभ्यास करण्यासाठी जपानमध्येही जाऊन आली होती. दिवसातील १८ तास अभ्यास करणाऱ्या अनुजाच्या प्रयत्नाने खळाळणारा हा ज्ञानगंगेचा प्रवाह असाच विस्तारत जाण्यासाठी त्याच प्रशालेत शिकून आता विविध पदांवर कार्यरत असलेल्या माजी नवोदय अलुमनी असोसिएशन, सावंतवाडी येथील माजी विद्यार्थ्यांनी तिची भेट घेऊन तिचा सत्कार केला. यावेळी डॉ. निर्मला सावंत, परमेश्वर सावळे, मयुरेश राऊळ, अमित लिंगवत, हर्षवर्धन बोरवडेकर, सुनील सोन्सुरकर आदी माजी विद्यार्थी उपस्थित होते.
..................
swt1017.jpg
76649
सावंतवाडी ः भटवाडी शाळेच्या मुलांनी शेतीचे धडे घेतले.

सावंतवाडी भटवाडी शाळेचे
विद्यार्थी रमले शेत बांधावर
सावंतवाडी ः (कै.) लक्ष्मीबाई मुरारी माधव विद्यालय आदर्श पुरस्कारप्राप्त जिल्हा परिषद शाळा क्र. ६ भटवाडी-सावंतवाडी या शाळेने ‘एक दिवस बळीराजासाठी’ हा उपक्रम उत्साहात साजरा केला. भटवाडीतील प्रसिद्ध शेतकरी मोहन गावडे यांच्या शेतात सर्व विद्यार्थी, शिक्षक, पालक, शाळा व्यवस्थापन समिती यांच्यासह हा उपक्रम राबविण्यात आला. भात रोप (तरवा) काढणे, नांगरणी, भात रोप लावणी, शेतकऱ्याची मुलाखत, बळीराजाचा सत्कार आणि स्नेहभोजन अशा विविध कृतींतून हा दिवस आनंदात साजरा करण्यात आला. यावेळी शाळेचे शिक्षणतज्ज्ञ दिलीप भालेकर यांच्या हस्ते शेतकरी मोहन गावडे, उमेश गावडे, देवू गावडे आणि कुटुंबीय यांचा सत्कार करण्यात आला. यावेळी दीपाली भालेकर, समीक्षा खोचरे, पूनम तुयेकर, गुरुप्रसाद तेजम, जानवी वारीक, अश्विनी गावडे, दीपा गावडे, मुख्याध्यापक केशव जाधव, सहाय्यक शिक्षिका सायली लांबर, मेधा गावडे, बालवाडी शिक्षिका सौ. गावडे, तेजस गावडे आदी उपस्थित होते.