देवगड शेतकरी सल्ला समिती अध्यक्षपदी बोडस बिनविरोध

swt1020.jpg
76642
देवगडः भूषण बोडस यांचे बाळ खडपे यांनी पुष्पगुच्छ देऊन अभिनंदन केले.

देवगड तालुका ‘आत्मा’ अध्यक्षपदी बोडस
देवगडः येथील तालुकास्तरीय शेतकरी सल्ला समितीचे (आत्मा) अध्यक्ष म्हणून भाजपचे भूषण बोडस (पडेल) यांची बिनविरोध निवड करण्यात आली. निवडीनंतर भाजप जिल्हा उपाध्यक्ष बाळ खडपे यांनी पुष्पगुच्छ देऊन त्यांचे अभिनंदन केले. पालकमंत्री नीतेश राणे यांच्या शिफारशीनुसार ही निवड करण्यात आली असल्याचे सांगण्यात आले. यावेळी भाजप जिल्हा उपाध्यक्षा प्रियांका साळसकर, संजय बोंबडी, अजित राणे, गणपत गावकर, अतुल वेलणकर, कृष्णा धुरी, प्रसाद देवधर, ज्ञानेश्वर खवळे, बापू जुवाटकर, विश्वनाथ खानविलकर, वैशाली तोडणकर, रंजना कदम, राजेंद्र वालकर, सुभाष धुरी आदी उपस्थित होते.
................
swt1021.jpg
76643
सावंतवाडी ः एज्युकेशन शाळेच्या विद्यार्थ्यांनी वृक्षपूजन करून गुरुपौर्णिमा साजरी केली.

सावंतवाडीत गुरुपौर्णिमेनिमित्त वृक्षपूजन
सावंतवाडी ः आई-वडील आपले पहिले गुरू, त्यानंतर शिक्षक आपले गुरु असतात. त्याचप्रमाणे निसर्ग हा आपला मार्गदर्शक तथा गुरू असतो, या संकल्पनेतून यावर्षी सावंतवाडी एज्युकेशन प्राथमिक शाळेच्या मुलांनी ''निसर्ग माझा गुरू'' या संकल्पनेवर गुरुपौर्णिमा सण उत्साहात साजरा केला. यावेळी शाळा परिसरातील वृक्षांवर पुष्पवृष्टी करून त्यांचे पूजन करण्यात आले. यावेळी विद्यार्थ्यांनी वृक्ष संवर्धनाची प्रतिज्ञा घेतली. माध्यमिक शाळेचे मुख्याध्यापक श्री. भुरे, प्राथमिक शाळेचे मुख्याध्यापक सावंत, पालक संघाच्या उमा बांदेकर तसेच अन्य पदाधिकारी, शिक्षक डी. जी. वरक, अमित कांबळे, ज्योत्स्ना गुंजाळ, प्राची बिले, वर्षा गावकर, संजना आडेलकर, स्मिता घाडीगावकर, विद्यार्थी व पालक उपस्थित होते. मुख्याध्यापकांनी वृक्षांचे महत्त्व मुलांना पटवून दिले. मुलांनी वृक्षाप्रती प्रेम व्यक्त करताना ''झाडे लावू, झाडे जगवू, झाडांचे संवर्धन करू'' अशी प्रतिज्ञा घेतली.
....................