पदविका अभ्यासक्रमात प्रवीण पाताडे यांचे यश

swt1022.jpg
76651
प्रवीण पाताडे

प्रवीण पाताडे यांचे यश
नांदगावः यशवंतराव चव्हाण महाराष्ट्र मुक्त विद्यापीठाच्या देवगड येथील पंतवालावलकर अध्यापक विद्यालय अभ्यास केंद्रावरील शालेय व्यवस्थापन पदविका अभ्यासक्रमाचा निकाल १०० टक्के लागला. प्राथमिक शिक्षक प्रवीण पाताडे यांनी ७८.३८ टक्के गुण मिळवून प्रथम, नीलम डांगे (७५.६३) द्वितीय तर ऋषिकेश खटावकर, अनिल नलावडे, महेश पाटील यांनी तृतीय क्रमांक पटकावला. यशवंतराव चव्हाण मुक्त विद्यापीठ अंतर्गत घेण्यात आलेल्या २०२४-२५ परीक्षेसाठी शैक्षणिक वर्षात १९ विद्यार्थी प्रविष्ट झाले. त्यापैकी १७ विद्यार्थी परीक्षेला बसले होते. सर्व विद्यार्थी उत्तीर्ण झाले. यामधून पाच विद्यार्थ्यांनी गुणवत्ता यादीत तर १२ विद्यार्थ्यांनी प्रथम श्रेणीत स्थान मिळविले.
फोटो
....................
swt1023.jpg
76652
नांदगाव ः वैश्य समाजातर्फे गुरुपौर्णिमा साजरी करण्यात आली.

गुणवंतांचा वैश्य समाजातर्फे सत्कार
नांदगावः येथील वैश्य समाजाच्या वतीने आज गुरुपौर्णिमेनिमित्त वैश्य समाजातील गुणवंत विद्यार्थ्यांचा सन्मानचिन्ह व पुष्पगुच्छ देऊन सत्कार करण्यात आला. यामध्ये अवनी बोभाटे (९०.८०), सेजल मोरये (८९ टक्के), रिध्दी बिडये (८७ टक्के), गंधर्वी मोरजकर (८६.४०), सौरभ मोरये (८५.२०) या गुणवंतांना गौरविण्यात आले. यानिमित्त नांदगाव पोलिसपाटील वृषाली मोरजकर यांचाही सन्मानचिन्ह व पुष्पगुच्छ देऊन सत्कार करण्यात आला. गुरुपौर्णिमेनिमित्त आज वैश्य समाज नांदगावच्या वतीने वैश्यगुरु श्री श्री वामनाश्रम स्वामी यांच्या प्रतिमेचे पूजन श्री राम मंदिर नांदगाव मोरयेवाडी येथे करण्यात आले. यावेळी नांदगाव वैश्य समाज अध्यक्ष नागेश मोरये, उपाध्यक्ष पंढरीनाथ पारकर, सचिव ऋषिकेश मोरजकर, सहसचिव दिलिप फोंडके, खजिनदार मारुती मोरये, विजय महाडेश्वर, राजेंद्र मोरजकर, ग्रामपंचायत सदस्य विठोबा कांदळकर, संतोष बिडये, नांदगाव पोलिसपाटील वृषाली मोरजकर, संजय मोरये, भुपेश मोरजकर उपस्थित होते.