जिल्हा सहकारी संस्था उपनिबंधकपदी परब

swt1027.jpg
76657
बाळ परब

जिल्हा सहकारी संस्था
उपनिबंधकपदी बाळ परब
सकाळ वृत्तसेवा
ओरोस, ता. १०ः गेल्या पाच महिन्यांपासून रिक्त असलेल्या जिल्हा सहकारी संस्था उपनिबंधक या पदावर शासनाने बाळ परब यांची नियुक्ती केली आहे. त्यांनी या पदाचा पदभार स्वीकारला आहे.
सिंधुदुर्गचे जिल्हा उपनिबंधक वर्ग १ माणिकसांगळे व कार्यालय अधीक्षक वर्ग ३ उर्मिला यादव या दोघांना ४ फेब्रुवारीला लाच स्वीकारताना रंगेहात पकडले गेले होते. त्यानंतर त्यांना कोठडी झाल्याने शासनाने त्यांना निलंबित केले होते. त्यामुळे जिल्हा सहकारी संस्था उपनिबंधक या पदाचा कार्यभार रत्नागिरी येथील जिल्हा सहकारी संस्था उपनिबंधक डॉ. सोपान शिंदे यांच्याकडे देण्यात आला होता.
गेली पाच महिने जिल्ह्याचे हे पद रिक्त होते. शासनाने आता या पदावर श्री. परब यांना नियुक्ती दिली आहे. त्यांनी पदभार सुध्दा स्विकारला आहे. श्री. परब हे खोटले (ता.मालवण) येथील ते मूळ निवासी आहेत. त्यांनी रत्नागिरी जिल्ह्यात सेवा बजावली आहे. यापूर्वी ते मुंबई येथील सहकार विभागाच्या अपिलेट कोर्टात अधिकारी पदावर कार्यरत होते. शासनाने त्यांची पदोन्नतीने सिंधुदुर्ग जिल्हा सहकारी संस्था उपनिबंधक म्हणून बदली केली आहे.