विजेच्या खेळखंडोबामुळे माडखोलवासीय आक्रमक

swt1029.jpg
76668
सावंतवाडी ः अधिकाऱ्यांना जाब विचारताना माडखोल ग्रामस्थ.

विजेच्या खेळखंडोबामुळे
माडखोलवासीय आक्रमक
अधिकाऱ्यांना जाबः ठिय्या आंदोलनाचा इशारा
सकाळ वृत्तसेवा
सावंतवाडी, ता. १०ः माडखोल गावात वारंवार निर्माण होणाऱ्या वीज समस्यांप्रश्नी ग्रामस्थांनी महावितरणवर धडक देत उप कार्यकारी अभियंता यांना जाब विचारला. यावर उपाययोजना न झाल्यास ठिय्या आंदोलनाचा इशारा संतप्त ग्रामस्थांनी दिला.
विजेचा लपंडाव, डीम लाईट, दिवसांतून पाच ते दहा वेळा लाईट जाणे, रात्री-अपरात्री लाईट जाणे या सर्व गोष्टीला कंटाळून आज माडखोल गाव विकास संघटनेने सावंतवाडी वीज अभियंता श्री. राक्षे यांची भेट घेऊन त्यांना जाब विचारला. यावेळी राक्षे यांनी तत्काळ मागण्या मान्य करण्याचे आश्वासन दिले. वायरमन संतोष राऊळ यांना आजपासून माडखोल गावात हजर करतो तसेच विजेच्या होणाऱ्या समस्या चार दिवसांत पूर्णपणे क्लिअर करून देऊ. विजेचा प्रश्न आता त्रासदायक होणार नाही, याची ग्वाही त्यांनी दिली. यावेळी संतप्त ग्रामस्थांनी दिलेल्या आश्वासनाप्रमाणे काम न केल्यास येत्या चार दिवसांत कुठल्याही प्रकारची आगाऊ सूचना न देता कार्यालयासमोर ठिय्या आंदोलन करू, असे सांगितले.
यावेळी माडखोल गाव विकास संघटना अध्यक्ष दत्ताराम राऊळ, भाजपचे युवा नेतृत्व संदीप गावडे, माडखोल उपसरपंच जीजी राऊळ, ज्येष्ठ सामाजिक कार्यकर्ते राजकुमार राऊळ, ग्रामपंचायत सदस्य विजय राऊळ, सामाजिक कार्यकर्ते अमित राऊळ, शैलेश माडखोलकर, बंटी सावंत, नागेश मेस्त्री आदी उपस्थित होते.