मालवणात कीर्तनमालेस ''द्रौपदी सांत्वन''ने प्रारंभ

76702

मालवणात कीर्तनमालेस
‘द्रौपदी सांत्वन’ने प्रारंभ
सकाळ वृत्तसेवा
मालवण, ता. १० : भरड दत्त मंदिर येथे देवशयनी एकादशी दिवशी चतुर्मास कीर्तनमालेचे पहिले पुष्प मेधा शेवडे यांनी ‘द्रौपदी सांत्वन’ या विषयावर कीर्तन करून गुंफले. पूर्वरंगात ‘देव भावाचा भुकेला, दास सेवकाचा झाला’ या अभंगाने निरुपण झाले. पुराणातील काही दाखले देऊन भक्तीसाठी देव कसा धावून जातो, हे सांगितले. दानवांपासून आपले संरक्षण व्हावे, म्हणून देवाचे नामस्मरण करणे, कीर्तन, भजन करून सतत देवाचे नाम घ्यावे, असे सांगितले. उत्तररंगात ''द्रौपदीचे सात्वंन'' हा विषय घेऊन कीर्तन करताना त्यांनी भक्ती व‌ भक्तितील भाव कसा असावा, ते सांगितले. कीर्तनाला संगीत साथ सदा चुरी (तबला) व महेश तळवडेकर (हार्मोनियम) यांनी दिली. कीर्तनाचे दुसरे पुष्प २१ जुलैला सायंकाळी ६.३० वाजता विनोद सातार्डेकर ''स्वामी समर्थ'' या विषयावर गुंफणार आहेत.