कोमसापच्या दापोली शाखेतर्फे श्रावणधारा

‘कोमसाप’ दापोली शाखेतर्फे श्रावणधारा
दापोली, ता. १० ः कोकण मराठी साहित्य परिषदेच्या दापोली शाखेतर्फे ६ ऑगस्टला तालुक्यातील नवोदित तसेच प्रस्थापित कवींसाठी श्रावणधारा काव्योत्सवाचे आयोजन करण्यात आल्याची माहिती दापोलीचे अध्यक्ष चेतन राणे यांनी दिली.
कोकण मराठी साहित्य परिषद शाखा दापोलीची विशेष सभा नुकतीच दापोली येथे पार पडली. या सभेत संपूर्ण वर्षभरात आयोजित करावयाच्या साहित्यविषयक कार्यक्रम व उपक्रमांचे नियोजन करण्यात आले. या सभेसाठी कोमसाप दापोली अध्यक्ष चेतन राणे यांच्यासह मुश्ताक खान, बाबू घाडीगांवकर, कुणाल मंडलीक, कैलास गांधी, संदीप यादव, शमशाद खान आदी कोमसाप दापोलीचे पदाधिकारी उपस्थित होते. सकाळी १० वाजता दापोली अर्बन बँक सायन्स कॉलेजच्या सभागृहात करण्यात आले आहे. काव्योत्सवात सहभागी होणाऱ्या सर्व कवींचा कोमसाप दापोलीच्यावतीने सन्मानपत्र देऊन सन्मान करण्यात येणार आहे. काव्योत्सवात सहभागी होऊ इच्छिणाऱ्या कवींनी आपल्या कवितेचा दोन ते तीन मिनिटांपर्यंतचा व्हिडिओ कुणाल मंडलीक व चेतन राणे यांना २५ जुलैपर्यंत पाठवून सहभाग निश्चित करावा, असे आवाहन कोमसाप दापोलीच्यावतीने करण्यात आले आहे.