विनयभंग, मारहाणप्रकरणी खांबाळेतील तरुणावर गुन्हा

विनयभंग, मारहाणप्रकरणी
खांबाळेतील तरुणावर गुन्हा
सकाळ वृत्तसेवा
वैभववाडी, ता. १० ः विनयभंग आणि मारहाण केल्याप्रकरणी खांबाळे मोहितेवाडी येथील शुभम प्रमोद कदम (वय १९) याच्या विरोधात पोलिसांनी गुन्हा दाखल केला. याप्रकरणी तरुणीने काल (ता. ९) सायंकाळी उशिरा तक्रार दिली होती. हा प्रकार ७ आणि ८ जुलैला सायकांळी साडेसहाच्या सुमारास घडला होता. सोमवारी (ता. ७) सायंकाळी साडेसहाच्या सुमारास कामावर गेलेली तरुणी एसटी बसने घरी निघाली होती. बस थांब्यावर उतरल्यानंतर ती चालत घरी निघाली होती. संशयित शुभम कदम याने तिला वाटेत अडविले आणि मारहाण करत तिचा विनयभंग केला. त्यानंतर मंगळवारी (ता. ८) पुन्हा त्याच प्रकाराची पुनरावृत्ती त्याने केली, अशी तक्रार तरुणीने पोलिसांत दिली. त्यानंतर पोलिसांनी त्याच्या विरोधात मारहाण आणि विनयभंगाचा गुन्हा दाखल करत त्याला ताब्यात घेतले होते. त्याला नोटीस देऊन सोडले. या प्रकरणाचा तपास पोलिस निरीक्षक मनोज सोनवलकर यांच्या मार्गदर्शनाखाली पोलिस उपनिरीक्षक माधवी अडुळकर करीत आहेत.