कुडाळ इंग्रजी शाळेत गुरुपौर्णिमा

76839

कुडाळ इंग्रजी शाळेत गुरुपौर्णिमा
कुडाळ, ता. ११ ः क. म. शि. प्र. मंडळाची इंग्रजी माध्यम प्राथमिक शाळा कुडाळ येथे गुरुपौर्णिमा उत्साहात साजरी करण्यात आली. गुरुपौर्णिमेच्या निमित्ताने निरनिराळ्या कार्यक्रमांचे आयोजन केले होते. सातवीच्या विद्यार्थ्यांनी गुरुला वंदन करणारी नृत्ये सादर केली. मुलांनी गुरुपौर्णिमेनिमित्त भाषणे केली.
गुरु शिष्यांच्या नात्यावर आधारित गोष्टी सादर केल्या. तसेच वेगवेगळी गीतेही सादर केली. विद्यार्थ्यांनी बनवलेली विविध शुभेच्छापत्रे, भित्तचित्रे, चित्रे यांचे प्रदर्शन भरवण्यात आले. गुरुपौर्णिमेचे औचित्य साधून विद्यार्थ्यांनी आकर्षक अशी रांगोळी काढली. विद्यार्थ्यांनी आपल्या गुरूंना वंदन करून त्यांचे आशीर्वाद घेतले. गुरुपौर्णिमा कार्यक्रमाच्या माध्यमातून विद्यार्थ्यांनी गुरूंचे महत्त्व सांगितले व विद्यार्थ्यांनी प्रेमाने त्यांना ओवाळले. या कार्यक्रमास विशेष अतिथी म्हणून मुख्याध्यापिका मुमताज शेख प्रशालेतील रियाज शेख, मोहिनी चव्हाण, नेहा कुडाळकर, पूर्वा राऊळ, पूजा खानोलकर हे शिक्षक उपस्थित होते. कार्यक्रमाच्या यशस्वी आयोजनासाठी मुख्याध्यापकांचे तसेच सर्व शिक्षक आणि विद्यार्थ्यांचे मोलाचे योगदान लाभले.