पाट हायस्कूलमध्ये ''एक पेड माँ के नाम''

76869

पाट हायस्कूलमध्ये
‘एक पेड माँ के नाम’
सकाळ वृत्तसेवा
म्हापण, ता. ११ ः शासनाकडून विविध पर्यावरणविषयक उपक्रम घेतले जातात. या उपक्रमातून वृक्ष लागवड, वृक्ष जतन हा मुख्य संदेश दिला जातो. याच पार्श्वभूमीवर ‘एक पेड माँ के नाम’ हा उपक्रम पाट विद्यालयात राबविण्यात आला. यासाठी मुले आणि माता-पालक यांना एकत्र करून वृक्ष जतन, वृक्ष लागवडीचा संदेश देण्यात आला. या उपक्रमातून मुलांना वृक्षाबद्दल प्रेम निर्माण होईल, पर्यावरणाची आवड निर्माण होईल याकरिता पाट हायस्कूलमध्ये जनजागृती करण्यात आली. यावेळी मुख्याध्यापक राजन हंजनकर, पर्यवेक्षक सयाजी बोंदर, उपक्रमप्रमुख संदीप साळसकर, सौ. चव्हाण एस. जी., माता-पालक आणि विद्यार्थी उपस्थित होते. सर्व संस्थाचालक आणि पालकांकडून या उपक्रमाचे कौतुक करण्यात आले. राष्ट्रीय हरित सेना आणि इको क्लब यांच्यामार्फत वर्षभर विविध उपक्रम पर्यावरणविषयक जनजागृतीकरिता पाट हायस्कूलमध्ये राबविले जातात.