केळकर महाविद्यालयाच्या दोघांची थल सैनिक प्रशिक्षणासाठी निवड

76872
संभाजी माने
76873
मयुरेश पुजारे

थल सैनिक प्रशिक्षणासासाठी
केळकर महाविद्यालयाचे दोघे

देवगड, ता. ११ ः येथील स. ह. केळकर महाविद्यालयातील संभाजी माने (हिंदळे) आणि मयुरेश पुजारे (मुणगे) यांची राज्यस्तरीय थल सैनिक प्रशिक्षणासाठी
निवड झाली आहे. ओरोस येथे गेले दोन महिन्यांपासून सुरू असलेल्या ५८ महाराष्ट्र बटालियन एन. सी. सी. प्रशिक्षण शिबीर आणि चाचण्यांमधून ही निवड करण्यात आली आहे.
संभाजी माने नकाशा वाचन (मॅप रीडिंग) या स्पर्धा प्रकारात पुढील प्रशिक्षणासाठी यवतमाळ येथे जाणार आहे. तर मयुरेश पुजारे हा ऑब्स्टेकल कोर्स या प्रकारासाठी अमरावती येथे जाणार आहे. कोल्हापूर, सांगली, सातारा, सिंधुदुर्ग आणि रत्नागिरी जिल्ह्यातील विविध महाविद्यालयांचे प्रशिक्षणार्थी ओरोस येथील प्रशिक्षणामध्ये सहभागी झाले होते. एन. सी. सी. च्या सुनेत्रा ढेरे आणि ५८ महाराष्ट्र बटालियनचे दीपक दयाल, तनुज मंडलिक तसेच प्रशिक्षकांचे मार्गदर्शन या प्रशिक्षणार्थींना लाभले. विद्यार्थ्यांचे महाविद्यालयाचे संस्था पदाधिकारी, प्रभारी प्राचार्य आदींनी अभिनंदन केले आहे.