रत्नागिरीःबसणी शाळेत मातृपूजन कार्यक्रम उत्साहात

rat11p19.jpg-
76833
रत्नागिरी ः बसणी शाळेत गुरूपौर्णिमेनिमित्त मातृपूजन कार्यक्रमात आई-वडिलांप्रती कृतज्ञता व्यक्त करताना विद्यार्थी.
---------
बसणी शाळेत मातृपूजन कार्यक्रम
रत्नागिरी, ता. ११ ः शहरानजीकच्या बसणी येथील जिल्हा परिषद मराठी शाळेत गुरूपौर्णिमेनिमित्त मातृपूजन कार्यक्रम उत्साहात व भक्तीपूर्ण वातावरणात साजरा करण्यात आला. या कार्यक्रमात विद्यार्थ्यांनी आपल्या आई-वडिलांबद्दल कृतज्ञता व्यक्त केली, ज्यामुळे एक भावनिक आणि प्रेरणादायी क्षण अनुभवता आला.
गुरूपौर्णिमा हा गुरूंना वंदन करण्याचा दिवस असला तरी या विशेष प्रसंगी शाळेने विद्यार्थ्यांना आपल्या पहिल्या गुरूंना म्हणजेच आई-वडिलांना आदर देण्याची संधी उपलब्ध करून दिली. कार्यक्रमाची सुरवात शाळेच्या शिक्षिका वर्षा घाग यांच्या प्रास्ताविकाने झाली. त्यांनी मातृ-पितृत्वाचे महत्त्व आणि मुलांच्या जीवनात त्यांच्या योगदानावर प्रकाश टाकला. विद्यार्थ्यांनी आपल्या आईच्या चरणांना स्पर्श करून त्यांचे आशीर्वाद घेतले आणि अनेकांनी आपल्या भावना व्यक्त केल्या. काही विद्यार्थ्यांनी आपल्या आईसाठी नृत्य सादर कले तर काहींनी त्यांच्याप्रती कृतज्ञता व्यक्त करणारे मनोगत व्यक्त केले. आई-वडिलांनीही आपल्या पाल्यांना प्रेमाने मिठी मारली आणि त्यांचे कौतुक केले. मुख्याध्यापिका रेवती वैद्य यांनी आभार मानले.
या वेळी सरपंच समृद्धी मयेकर, पोलिसपाटील प्रिया बंदरकर, सानिका नेवरेकर, जयवंत कदम, संतोष नेवरेकर आदी उपस्थित होते.