रत्नागिरी- स्वामी स्वरूपानंद खेळघरात गुरुपौर्णिमा साजरी

rat11p24.jpg-
76864
रत्नागिरी : जीजीपीएसमधील श्री स्वामी स्वरूपानंद खेळघरामध्ये गुरूपौर्णिमेनिमित्त आयोजित कार्यक्रमात गुरू-शिष्यांच्या वेशभूषेत सहभागी बालदोस्त.
-----------
स्वामी स्वरूपानंद खेळघरात गुरूपौर्णिमा साजरी
रत्नागिरी, ता. ११ : हिंदू संस्कृतीची परंपरा जपत प्रत्येक सण आणि उत्सव आनंदाने साजरा करणाऱ्या जीजीपीएसच्या श्री स्वामी स्वरूपानंद खेळघर विभागाने चिमुकल्यांसोबत गुरूपौर्णिमा उत्साहात साजरी केली. विद्यार्थी विविध गुरू-शिष्यांच्या वेशभूषा करून कार्यक्रमात सहभागी झाले.
हिंदवी स्वराज्य संस्थापक छत्रपती शिवाजी महाराज व जिजामाता, सावित्रीबाई फुले व विद्यार्थिनी, द्रोणाचार्य आणि एकलव्य अशा गुरू-शिष्यांच्या विविध वेशात मुले तयार होऊन आली होती. गुरू-शिष्य परंपरा सांगणाऱ्या विविध कथा शिक्षकांनी विद्यार्थ्यांना सांगितल्या. विद्यार्थ्यांनीही भाषणे दिली. कथा सांगितल्या. सुंदर असे गाणेही गायले. गुलाबपुष्प देऊन विद्यार्थ्यांनी गुरू म्हणून शिक्षकांविषयीचा आदर व्यक्त केला. खेळघर विभागप्रमुख शुभदा पटवर्धन, हायस्कूलच्या मुख्याध्यापिका सोनाली पाटणकर, प्राथमिक विभागाच्या मुख्याध्यापिका अपूर्वा मुरकर आदी यावेळी उपस्थित होते.