रत्नागिरी- महर्षी कर्वे शिक्षण संस्थेत गुरुपौर्णिमा

महर्षी कर्वे शिक्षणसंस्थेत गुरूपौर्णिमा
रत्नागिरी, ता. ११ : महर्षी कर्वे स्त्री शिक्षणसंस्थेच्या शिरगाव येथील प्रकल्पात गुरूपौर्णिमा उत्साहात साजरी करण्यात आली. श्रीमान भागोजीशेठ कीर विधी महाविद्यालयाचे प्र. प्राचार्य ॲड. डॉ. आशिष बर्वे यांनी मार्गदर्शन केले.
या वेळी प्रकल्प समन्वयक स्वप्नील सावंत यांनी प्रमुख पाहुण्यांचे स्वागत केले. ॲड. बर्वे यांनी विद्यार्थिनींना गुरूपौर्णिमेविषयी सांगतानाच गुरू आणि शिष्य कसे असावेत याबद्दल मार्गदर्शन केले. गुरू, अध्यापक, आचार्य, उपाध्याय, पंडित, द्रष्ट्या व्यक्ती यांचे महत्त्व समजावून सांगितले. काही ऐतिहासिक उदाहरणेही दिली. कार्यक्रमासाठी रत्नागिरी प्रकल्पाच्या स्थानीय व्यवस्थापन समितीचे सदस्य प्रसन्न दामले, बीसीए कॉलेजच्या प्रभारी प्राचार्या स्नेहा कोतवडेकर, नर्सिंग कॉलेजच्या प्रभारी प्राचार्या समिना मुलानी आदी उपस्थित होते. मारूती मंदिर येथील बाया कर्वे व्होकेशनल ट्रेनिंग इन्स्टिट्यूटमध्येही प्रतिमापूजनाचा कार्यक्रम झाला. स्थानीय व्यवस्थापन समितीचे सदस्य दीपक जोशी उपस्थित होते.