चिपळूण-सुषमा इंदुलकर यांना आदर्श निवृत्त मुख्याध्यापक पुरस्कार

rat11p10.jpg -
76819
चिपळूण ः सुषमा इंदुलकर यांना आदर्श निवृत्त मुख्याध्यापक पुरस्काराने गौरवण्यात आले.
------------
सुषमा इंदुलकर यांना आदर्श पुरस्कार
चिपळूण, ता. ११ : (कै.) द. पां. तथा बाळासाहेब पाठक स्मृती आदर्श निवृत्त मुख्याध्यापक पुरस्काराने अडरे (ता. चिपळूण) येथील पी. के. सावंत विद्यालयाच्या निवृत्त मुख्याध्यापिका सुषमा इंदुलकर यांचा गौरव करण्यात आला. कराड येथील शिक्षण मंडळाच्यावतीने हा पुरस्कार गुरूपौर्णिमेच्या औचित्याने आयोजित गुरूगौरव समारंभात प्रदान करण्यात आला. इंदुलकर यांनी पी. के. सावंत विद्यालयात तब्बल ३६ वर्षे अध्यापन सेवा बजावली. त्या २०२३ रोजी सेवानिवृत्त झाल्या. शिक्षणक्षेत्रातील वंचित घटकांसाठी कार्य करणाऱ्या ''श्रमिक सहयोग'' या संस्थेच्या त्या संस्थापक सदस्य असून, सध्या त्या कार्यवाह म्हणून सक्रिय आहेत. कराड येथील टाऊनहॉलमध्ये पार पडलेल्या या समारंभात कृष्णा विश्वविद्यालयाचे कुलपती डॉ. सुरेश भोसले यांच्या हस्ते पुरस्कार प्रदान करण्यात आला.