भंडारी भजन मंडळ, भागोजी ट्रस्टने

-rat१२p२.jpg-
२५N७७०१२
रत्नागिरी : भंडारी भजन मंडळ, भागोजी ट्रस्टतर्फे ज्येष्ठ मृदुंगवादकांचा सन्मान करण्यात आला. सन्मानमूर्तींसह पदाधिकारी.
---
रत्नागिरीत ज्येष्ठ मृदुंगवादकांचा हृद्य सन्मान
जिल्हा भंडारी भजन संघ : गुरुपौर्णिमा उत्सव
सकाळ वृत्तसेवा
रत्नागिरी, ता. १२ : येथील रत्नागिरी जिल्हा भंडारी भजन संघ आणि भागेश्वर मंदिर ट्रस्ट यांच्या संयुक्त विद्यमाने गुरुपौर्णिमा उत्सव किल्ला येथील भागेश्वर मंदिरात उत्साहात झाला. भजनीबुवांना मृदुंगाची साथ करणाऱ्या ज्येष्ठ मृदुंगवादकांचा हृद्य सत्कार करण्यात आला.
मागील वर्षी भजनीबुवांचा पाद्यपूजन करून सन्मान करण्यात आला होता. यावर्षी दानशूर भागोजीशेठ कीर यांच्या पुतळ्याला पुष्पहार अर्पण केला. त्यानंतर मृदुंगवादकांचे पाद्यपूजन शिष्य, नातेवाईक, कुटुंबीयांनी केले. मान्यवरांच्या हस्ते शाल, श्रीफळ व स्मृतीचिन्ह देऊन यथोचित गौरव करण्यात आला. यामध्ये मृदुंगवादक कमलाकर नागवेकर, गंगाधर भाटकर, गजानन भाटकर, कलमाकर जाधव, राजेंद्र विलणकर, प्रकाश नार्वेकर यांचा समावेश होता.
या वेळी कोकण कृषि विद्यापिठाचे माजी कुलगुरू डॉ. श्रीरंग कद्रेकर हे जिल्हा भंडारी भजनसंघाच्या स्थापनेपासून मार्गदर्शक असल्यामुळे त्यांचेही दिलीप भाटकर यांनी पाद्यपूजन केले. मृदुंगवादकांचा परिचय श्रीकांत पाटील यांनी करून दिला. सर्व सत्कारमूर्तींनी मनोगत केले. कार्यक्रमाचे नियोजन साईनाथ नागवेकर यांनी केले. कार्यक्रम यशस्वितेसाठी दिलीप भाटकर, डॉ. दिलीप नागवेकर, श्रीकांत पाटील, संदेश नागवेकर, संदीप पावसकर, राजेंद्र विलणकर, अॅड. विनय आंबुलकर आणि भागेश्वर मंदिर ट्रस्टचे सर्व कर्मचारी यांचे सहकार्य लाभले.

चौकट १
सुश्राव्य भजनाने गुरूंना वंदन
या कार्यक्रमात सुश्राव्य भजनांचा कार्यक्रम रंगला. त्यातून गुरूंना वंदन करण्यात आले. सुदेशबुवा नागवेकर, विठोबाबुवा नागवेकर, सुरेंद्रबुवा घुडे, साईनाथबुवा नागवेकर, भाटकर बुवा, सुषमा भाटकर-कीर, प्रेरणा विलणकर, विजयश्री भाटकर यांनी सहभाग घेतला होता.
---