‘दिविजा’च्या कर्मचाऱ्यांतर्फे हडपीड शाळेत गुरुपौर्णिमा

77053

‘दिविजा’च्या कर्मचाऱ्यांतर्फे
हडपीड शाळेत गुरुपौर्णिमा

तळेरे, ता. १२ : असलदे येथील दिविजा वृद्धाश्रमातील कर्मचाऱ्यांनी आपल्या गुरुजनांचा सन्मान करण्याच्या उद्धेशाने माध्यमिक शिक्षण शाळा कोळोशी हडपीड शाळेतील शिक्षकांचे पाद्यपूजन करून संस्कारांचे दर्शन घडविले.
दिविजा वृद्धाश्रमात कार्यरत कोळोशी शाळेच्या माजी विद्यार्थ्यांनी संस्थेचे सेक्रेटरी संदेश शेट्ये यांच्या मार्गदर्शनाखाली गुरुपौर्णिमेनिमित्त आपल्या शाळेतील गुरुजनांचे पाद्यपूजन केले. तसेच शाल, श्रीफळ, पुष्पगुच्छ देऊन त्यांचा सत्कार केला. मुख्याध्यापिका अश्विनी गर्जे यांनी, शिक्षकांचा केलेला सन्मान हा विद्यार्थ्यांसाठी संस्काराचा धडा आहे, अशी भावना व्यक्त केली. माजी विद्यार्थी समीर मिठबावकर, सायली तांबे, अश्विनी पटकारे, ऋतुजा इंदप, अमृता इंदप, सायली इंदप, सानिया इंदप, सारिका सावंत, भारती गुरव व संस्थेचे सेक्रेटरी संदेश शेट्ये तसेच माध्यमिक शिक्षण शाळा कोळोशी हडपीड शाळेचे सर्व शिक्षक व विद्यार्थी उपस्थित होते. यावेळी श्री स्वामी समर्थ मठ हडपीड यांच्याकडून गुरुपौर्णिमेनिमित दिविजा वृद्धाश्रमातील आजी-आजोबांना साहित्य भेट दिले.
......................
77054

केळकर हायस्कूलमध्ये तनिष्कचा गौरव
देवगड, ता. १२ ः वाडा (ता. देवगड) येथील अ. कृ. केळकर हायस्कूलमधील तनिष्क कोयंडे या विद्यार्थ्याने महाराष्ट्र राज्य परीक्षा परिषद यांच्यामार्फत घेण्यात आलेल्या पाचवी शिष्यवृत्ती परीक्षेत ग्रामीण सर्वसाधारण यादीत तालुक्यात पाचवा क्रमांक प्राप्त केला. जिल्हा ग्रामीण सर्वसाधारण यादीत त्याचा २४ वा क्रमांक आला. त्याच्या या यशाबद्दल प्रशाला व संस्थेतर्फे त्याचा सन्मान करण्यात आला. मुख्याध्यापिका स्मिता तेली यांनी पुष्प देऊन त्याचे अभिनंदन केले. यावेळी प्रशालेतील अन्य शिक्षक उपस्थित होते.