पालक-शिक्षकसंघाची सभा

-rat१२p१६.jpg-
P२५N७७०३५
रत्नागिरी : सॅक्रेड हार्ट कॉन्व्हेन्ट स्कूलच्या (शहर) पालक शिक्षकसंघ सभेत डावीकडून सिस्टर जॉयलेट, सिस्टर आफ्रा, सिस्टर अॅनी.
----
‘सॅक्रेड’ची पालक-शिक्षकसंघाची सभा
सकाळ वृत्तसेवा
रत्नागिरी, ता. १२ : सॅक्रेड हार्ट कॉन्व्हेन्ट हायस्कूलमध्ये (रत्नागिरी शहर) २०२५-२६ या शैक्षणिक वर्षाची पालक शिक्षकसंघाची पहिली सभा आज झाली. यात पालक शिक्षकसंघ पदाधिकाऱ्यांची निवड करण्यात आली.
व्यवस्थापिका सिस्टर आफ्रा, मुख्याध्यापिका सिस्टर जॉयलेट, पर्यवेक्षिका सिस्टर अॅनी, प्राथमिक विभागप्रमुख सिस्टर सुनीता यांच्यासह पाचवी ते दहावी वर्गांचे नवनियुक्त पालक प्रतिनिधी आणि सर्व शिक्षक उपस्थित होते. समरिन काझी यांनी वेगवेगळ्या उपक्रमांची आणि स्पर्धांची माहिती दिली. मुख्याध्यापिका सिस्टर जॉयलेट यांनी शैक्षणिक वर्षाच्या नियोजनाची माहिती दिली. शाळेत कार्यरत विशाखा समिती, सुरक्षा समिती, परिवहन समिती, सखी सावित्री समिती यांविषयी माहिती दिली. पालक-शिक्षकसंघाचे अध्यक्षपद मुख्याध्यापिका सिस्टर जॉयलेट यांच्याकडे असून, खजिनदार अनुष्का धुपकर, सचिव अरिका तांडेल आहेत. पालक प्रतिनिधी सहसचिव श्रद्धा सावंत, सहसचिव सुनीत घुडे यांची नियुक्ती करण्यात आली. इच्छा नाईक यांनी आभार मानले.