न्यायालय इमारतीच्या कामाची गती वाढवा

-Rat१२p२३.jpg
२५N७७०६१
ः मंडणगड ः मंडणगड न्यायालय इमारतीचे पाहणी करताना न्यायमूर्ती माधव जामदार, सोबत जिल्हा न्यायाधीश एस. एस. गोसावी व अन्य.
------
न्यायालय इमारतीच्या कामाला गती द्या
न्यायमूर्ती माधव जामदार ः मंडणगडात केली पाहणी
सकाळ वृत्तसेवा
मंडणगड, ता.१२ ः मंडणगड न्यायालयाच्या इमारतीचे परिसरात भारतरत्न डॉ. बाबासाहेब आंबेडकर यांचा पुतळा निर्मितीच्या कामाची माहिती व कामास गती देण्याच्या सूचना संबंधितांकडून बांधकाम विभागास देण्यात आल्या. नियोजित जागेची मुंबई उच्च न्यायालयाचे न्यायमूर्ती तथा रत्नागिरी जिल्हा न्यायालयाचे पालक न्यायमूर्ती माधव जामदार यांनी पाहणी केली.
यानंतर मंडणगड नगरपंचायत येथे व्हिसाद्वारे न्यायालयाच्या इमारतीच्या कामकाजाबाबत माहिती देण्यात आली. मंडणगड शहरात उभ्या राहात असलेल्या मंडणगड न्यायालयाच्या नव्या इमारतीच्या बांधकामाची मुंबई उच्च न्यायालयाचे न्यायमूर्ती तथा रत्नागिरी जिल्हा न्यायालयाचे पालक न्यायमूर्ती माधव जामदार यांनी पाहणी केली. या वेळी प्रमुख जिल्हा न्यायाधीश एस. एस. गोसावी, मुंबई उच्च न्यायालयाच्या निबंधक आदिती कदम, मंडणगड कनिष्ठ न्यायालयाच्या न्यायमूर्ती अमृता जोशी, मुंबई उच्च न्यायालयाचे उपनिबंधक ज्ञानेश्वर मोरे, बार कौन्सिल महाराष्ट्र गोवाचे सदस्य अॅड. संग्राम देसाई, बार असोसिएशन मंडणगडचे अध्यक्ष अॅड. मिलिंद लोखंडे आदी उपस्थित होते.
मुख्यमंत्री देवेंद्र फडणवीस यांच्या उपस्थितीत न्यायालयाच्या नवीन इमारतीचे भूमिपूजन व तात्पुरत्या स्वरूपातील जागेत न्यायालयाच्या नैमित्तिक कामकाजास सुरुवात झाली होती. सार्वजनिक बांधकाम विभागाच्या माध्यमातून सुरू असलेल्या इमारतीच्या कामाची जिल्हा न्यायालयाच्या माध्यमातून वेळोवेळी पाहणी करून कामातील प्रगतीचा आढावा संबंधित यंत्रणेकडून घेतला जात आहे. १२ जुलैला इमारतीच्या कामकाजाची पाहणी केल्यावर न्यायालयाच्या इमारतीचे परिसरात भारतरत्न डॉ. बाबासाहेब आंबेडकर यांचा पुतळा उभारणीचे निर्मितीच्या कामाची माहिती व कामास गती देण्याच्या सूचना संबंधितांकडून बांधकाम विभागास देण्यात आल्या. या वेळी महाराष्ट्र शासन कायदा व न्याय विभागाचे कायदेशीर सल्लागार विलास गायकवाड, रत्नागिरी जिल्ह्याचे जिल्हाधिकारी एम. देवेंद्रसिंह, सार्वजनिक बांधकाम विभागाचे सचिव संजय दशपुते, सर जे.जे. आर्किटेक्ट महाविद्यालय मुंबईचे निबंधक शशिकांत काकडे, जतिन कुमार यांनी कामाच्या प्रगतीचा आढावा घेत चर्चा केली.