शेठ म. ग. हायस्कूलचे शिष्यवृत्ती परीक्षेत यश

77230

शेठ म. ग. हायस्कूलचे शिष्यवृत्तीत यश
देवगड ः शिष्यवृत्ती परीक्षेत येथील शेठ म. ग. हायस्कूलमधील पाचवी आणि आठवीतील विद्यार्थ्यांनी शिष्यवृत्ती मिळवली. प्राथमिक शिष्यवृत्ती परीक्षेत (पाचवी) दोन विद्यार्थी तर पूर्व माध्यमिक शिष्यवृत्ती (आठवी) परीक्षेत चार विद्यार्थी शिष्यवृत्तीस पात्र ठरले. प्राथमिक शिष्यवृत्ती परीक्षेत (पाचवी) सुयश सुदेश गोलतकर (८६.६६ टक्के) हा विद्यार्थी जिल्ह्यात द्वितीय आला. तर स्वरा सुमित भिडे (६७.३३ टक्के) ही विद्यार्थिनी शिष्यवृत्ती पात्र ठरली. तसेच पूर्व माध्यमिक शिष्यवृत्ती (आठवी) परीक्षेत स्वराली संदीप मिराशी (७४.६६ टक्के), आदित्य हेमंत शिंगाडे (६८.६६ टक्के), सान्वी समीर मर्गज (६६.६६ टक्के) तर श्रेयांक सतीश पुरळकर (६५.३३ टक्के) हे विद्यार्थी शिष्यवृत्तीस पात्र ठरले. यशस्वी विद्यार्थ्यांचे संस्थाचालक तसेच मुख्याध्यापकांनी अभिनंदन केले.