रत्नागिरी- बियाणी बालमंदिरात गुरुशिष्य परंपरा

rat12p13.jpg
77025
रत्नागिरी : बियाणी बालमंदिरात गुरू-शिष्य परंपरा सादरीकरण करताना बालदोस्त.
---------

बियाणी बालमंदिरात
गुरू-शिष्य परंपरा
रत्नागिरी, ता. १३ : भारत शिक्षण मंडळाच्या बियाणी बालमंदिर व भिडे आजी खेळघरात गुरूपौर्णिमेनिमित्त गुरू-शिष्यांची परंपरा जपत मातृपूजनाचा कार्यक्रम झाला. गुरू-शिष्य परंपरा, गुरू-शिष्यांच्या जोड्या करून विद्यार्थ्यांनी जिवंत देखावे साकारले.
भारत शिक्षण मंडळाच्या कार्याध्यक्षा नमिता कीर, पटवर्धन हायस्कूलचे माजी शिक्षक रमेश पटवर्धन, शाळा समिती अध्यक्ष राजेंद्र कदम, प्रबंधक विनायक हातखंबकर यांनी श्री व्यासमुनींच्या प्रतिमेचे, पुस्तकाचे, झाडाचे पूजन केले. बालगोपालांनी एकेक झाड लावून ममतेने या गाण्याचे सादरीकरण केले. पालक प्रतिनिधी मंडळातर्फे शिक्षकांना सन्मानित करण्यात आले. कार्यक्रमाला पालक प्रतिनिधी, पालक उपस्थित होते. सूत्रसंचालन आसावरी पावसकर यांनी केले. कार्यक्रमाचे नियोजन बालमंदिरच्या मुख्याध्यापिका धनश्री मुसळे यांनी केले.