सावंतवाडी क्र. ४ शाळेचे शिष्यवृत्ती परीक्षेत यश

swt142.jpg

वीरा घाडी, मानवी घाडी, पार्थ बोलके, हार्दिक वरक, काव्या तळवणेकर, स्वरा शेर्लेकर.

सावंतवाडी क्र. ४ शाळेचे शिष्यवृत्तीत यश
सावंतवाडीः महाराष्ट्र राज्य परीक्षा परिषद, पुणे मार्फत आयोजित पूर्व उच्च प्राथमिक (पाचवी) शिष्यवृत्ती परीक्षेत जिल्हा परिषद पूर्ण प्राथमिक शाळा सावंतवाडी क्र. ४ शाळेतील मुलांनी यश संपादन केले. या शाळेतील दहा मुले शिष्यवृत्तीस पात्र ठरली असून त्यापैकी ६ जण गुणवत्ता यादीत झळकले. वीरा घाडी ही शहरी विभागात जिल्ह्यात प्रथम आली. मानवी घाडी जिल्ह्यात २३ वी, पार्थ बोलके जिल्ह्यात २५ वा, हार्दिक वरक जिल्ह्यात ३१ वा, काव्या तळवणेकर जिल्ह्यात ४२ वी, स्वरा शेर्लेकर जिल्ह्यात ५० वी आली. शिष्यवृत्ती परीक्षेसाठी या शाळेतील एकही विद्यार्थी खासगी शिकवणीला जात नाही. मार्गदर्शक शिक्षक महेश पालव व पूजा शिंदे यांचे मार्गदर्शन लाभले. सर्व यशस्वी विद्यार्थी, मार्गदर्शक शिक्षक, मुख्याध्यापिका धारगळकर यांचे सर्वत्र कौतुक केले जात आहे.
......................
swt148.jpg
77414
कास ः शाळेला संगणक प्रदान करताना सरपंच प्रवीण पंडित, उपसरपंच श्रेया राणे आदी.

कास ग्रामपंचायतीकडून संगणक भेट
बांदाः विद्यार्थ्यांना लहानपणापासूनच संगणकाचे आणि इंटरनेटचे ज्ञान मिळावे, या उद्देशाने कास ग्रामपंचायतीतर्फे कास जिल्हा परिषद प्राथमिक शाळा क्र. २ ला संगणक प्रदान करण्यात आला. यावेळी सरपंच प्रवीण पंडित, उपसरपंच श्रेया राणे, ग्रामपंचायत सदस्य बापू कासकर, निकिता कासकर, अजय भाईप, शालेय समिती अध्यक्ष भाईप, मुख्याध्यापिका उत्कर्षा परब व शाळेतील विद्यार्थी उपस्थित होते. शाळा व्यवस्थापन समिती व मुख्याध्यापिका उत्कर्षा परब यांनी ग्रामपंचायतीचे आभार मानले.
.....................