केळुस मठात आजपासून विविध धार्मिक कार्यक्रम

swt147.jpg
77416
नामदेव महाराज

केळुस मठात आजपासून विविध कार्यक्रम
म्हापणः परमपूज्य श्री नामदेव महाराज यांच्या ९७ व्या जन्मोत्सवानिमित्त समाधी मठ केळुस येथे विविध कार्यक्रमांचे आयोजन केले आहे. यानिमित्त उद्या (ता. १५) सकाळी ८ ते १० दरम्यान समाधीवर अभिषेक, पाद्यपूजा व सिद्ध महापुरुष चरणी एकादशमी कार्यक्रम, ११ वाजता वेदिका लुडबे (मालवण) यांचे सद्गुरू नामदेव महाराज चरित्रावरील सुश्राव्य कीर्तन, दुपारी १२.१५ वाजता आरती. १२.३० वाजता महाप्रसाद कार्यक्रम, १ वाजता सद्गुरू श्री नामदेव महाराज भक्त मंडळ सिंधुदुर्ग यांचे भजन, २ वाजता सद्गुरू श्री नामदेव महाराज भक्त मंडळ (गोवा) यांची भक्ती संगीत ‘गुरुवंदना’, सायंकाळी ६ वाजता विठ्ठल रखुमाई भजन मंडळ आंदुर्ले यांचे भजन, रात्री ९ वाजता आंदुर्लाई प्रासादिक भजन मंडळ आंदुर्ले यांचे भजन, १० वाजता भाविकांसंगीत व वारकरी भजने होणार आहेत. सर्व भाविकांनी समाधी दर्शन व महाप्रसादाचा लाभ घ्यावा, असे आवाहन श्री सिद्ध महापुरुष परमपूज्य नामदेव गोसावी महाराज ट्रस्ट केळुस यांच्यावतीने केले आहे.
...............
swt148.jpg
77417
साई वारंग

शिष्यवृत्ती परीक्षेत साई वारंगला रौप्य
कुडाळः महाराष्ट्र शासनाकडून घेण्यात येणाऱ्या शिष्यवृत्ती परीक्षेत येथील बॅ. नाथ पै विद्यालयाचा आठवीतील विद्यार्थी साई वारंग हा शिष्यवृत्तीधारक ठरला आहे. त्याने महाराष्ट्र गणित अध्यापक महामंडळाद्वारे २०२४-२५ मध्ये घेण्यात आलेल्या गणित प्रज्ञा शोध परीक्षेत रौप्यपदक प्राप्त केले. त्याला गणित विषयाचे शिक्षक श्री. गावडे, मुख्याध्यापक, सर्व शिक्षक व श्रीमती वझेंसह आई-वडिलांचे मार्गदर्शन लाभले. त्याच्या यशाबाबत संस्था, शाळा, मुख्याध्यापक, शिक्षक, शिक्षकेतर कर्मचारी व पालकांनी अभिनंदन केले.