खरवतेत सागाच्या ९०० रोपांची लागवड

काही सुखद-------लोगो

rat१४p८.jpg-
२५N७७४०८
राजापूर ः विद्यार्थ्यांना वृक्षवाटप करताना सरपंच अभय चौगुले आणि मान्यवर.
----
खरवतेत सागाच्या ९०० रोपांची लागवड
ग्रामपंचायतीचा पुढाकार; पर्यावरण संवर्धनाचा संकल्प
सकाळ वृत्तसेवा
राजापूर, ता. १४ : तालुक्यातील खरवते ग्रामपंचायतीतर्फे ‘माझी वसुंधरा अभियान’ आणि ‘एक पेड माँ के नाम’ अंतर्गत ग्रामपंचायत कार्यक्षेत्रातील सर्व जिल्हा परिषद शाळांसह उत्कर्ष माध्यमिक विद्यालय खरवते येथील विद्यार्थ्यांना सागाच्या ९०० रोपांसह शेवग्याच्या झाडाचे वाटप करण्यात आले. ग्रामपंचायतीच्या आवाहनानुसार, या रोपांची विद्यार्थ्यांनी लागवड केली आहे. या माध्यमातून खरवते ग्रामपंचायतीने पर्यावरण जतन आणि संवर्धनाचे आवाहन केले आहे.
खरवते ग्रामपंचायतीतर्फे विद्यार्थ्यांना सागाच्या ९००हून अधिक रोपांचे वाटप करण्यात आले आहे. ग्रामपंचायतीने तयार केलेल्या रोपवाटिकेतील शेवग्याची रोपंही लागवडीसाठी विद्यार्थ्यांना देण्यात आली आहेत. या कार्यक्रमाला सरपंच अभय चौगुले, उपसरपंच गौरव सोरप, ग्रामपंचायत अधिकारी नेहा कुडाळी, ग्रामपंचायत सदस्य, ग्रामपंचायत कर्मचारी देविदास उबाळे, संजय माटल, केंद्रचालक भक्ती माटल यांसह विद्यार्थी व शिक्षक मोठ्या संख्येने उपस्थित होते. शासनाच्या पर्यावरण, वन आणि हवामान बदल मंत्रालयाच्या निर्देशाप्रमाणे यावर्षी किमान शंभर झाडांची लागवड करण्याचे निर्देश दिले आहेत. ग्रामपंचायत कार्यक्षेत्रातील जिल्हा परिषद आणि माध्यमिक विद्यालयातील विद्यार्थ्यांना सागाच्या रोपांचे वाटप केले आहे. आईसमवेत विद्यार्थ्यांनी घरपरिसरात त्या रोपांची लागवड करावयाची आहे. त्यासोबत ग्रामपंचायतीने तयार केलेल्या नर्सरीतील शेवग्याच्या झाडांचेही वाटप केले आहे. ग्रामपंचायतीच्या या वृक्षलागवडीच्या उपक्रमाला विद्यार्थ्यांसह पालकांकडून उत्स्फूर्त प्रतिसाद मिळत आहे.
----
कोट
ग्रामपंचायतीच्यावतीने उपलब्ध करून देण्यात आलेल्या झाडांची आपापल्या शेतशिवारामध्ये किंवा घरपरिसरामध्ये लागवड करण्यात येत आहे. वृक्षलागवडीच्या या उपक्रमाद्वारे खरवते ग्रामपंचायतीने सामाजिक बांधिलकी जोपासली आहे.
- अभय चौगुले, सरपंच