सिंधुदुर्गात लवकरच योगभवन उभारणार

swt1412.jpg
77426
माड्याचीवाडी ः येथील श्री स्वामी समर्थ मठात श्री श्री १०८ महंत गावडेकाका महाराज यांच्या सौजन्याने शैक्षणिक साहित्य वाटप करण्यात आले. (छायाचित्र ः अजय सावंत)

सिंधुदुर्गात लवकरच योगभवन उभारणार
गावडेकाका महाराजः माड्याचीवाडीत गुरुपौर्णिमेनिमित्त गुणगौरव
सकाळ वृत्तसेवा
कुडाळ, ता. १४ः जिल्ह्यात योग चळवळ गतिमान व्हावी, यासाठी एमए योग वर्गासह येत्या पाच वर्षांत योगभवन उभारले जाईल, असे गावडेकाका महाराज यांनी माड्याचीवाडी येथे जाहीर केले.
गावडेकाका महाराज यांनी गुरुपौर्णिमा उत्सवाच्या निमित्ताने गुणवंत विद्यार्थ्यांचा गुणगौरव केला. तसेच विविध धार्मिक, सांस्कृतिक कार्यक्रम पार पडले. सामाजिक, शैक्षणिक उपक्रमांतर्गत गरजूंना मदत करण्यात आली. यावेळी श्री. गावडेकाका म्हणाले, ‘‘आजच्या धकाधकीच्या जीवनात योगा काळाची गरज बनली आहे. प्रत्येकाने व्यायाम केला पाहिजे. आपले आयुष्य सुदृढ ठेवायचे असेल तर योगाशिवाय पर्याय नाही. हाच दूरदृष्टीकोन ठेवून माड्याचीवाडी येथे योग चळवळ सुरू झाली आहे. योग प्रशिक्षण शिबिराला योग साधकांचा मोठ्या प्रमाणात प्रतिसाद लाभत आहेत. या योग वर्गातून योग शिक्षक म्हणून सेवा बजावत आहेत. योग शिक्षक हा विद्यार्थ्यांना योगाचे धडे देतानाच व्यवसायाच्या दृष्टिकोनातून त्याला आर्थिक दृष्ट्या मार्ग मिळालेला आहे. योगसाधकांच्या वाढत्या प्रतिसादानंतर आता या ठिकाणी एमए योग प्रशिक्षण वर्ग सुरू करण्यात येणार आहे. त्याचबरोबर येत्या पाच वर्षांत भव्य योगभवन होण्यासाठी आम्ही निश्चितच प्रयत्न करणार आहोत.’’
या कार्यक्रमाचे औचित्य साधून तालुक्यातील वेताळबांबर्डे येथील नाग्या महादू वसतिगृहातील ७५ मुलांना शैक्षणिक साहित्याचे वाटप करण्यात आले. तसेच योग परीक्षेत यश संपादन केलेल्या योगसाधकांचा सन्मान, सामाजिक उपक्रमांतर्गत एका दिव्यांग  कुटुंबीयांसाठी वॉकर देण्यात आला. यावेळी श्री सद्गुरू भक्त सेवा न्यास अध्यक्ष एकनाथ गावडे, धार्मिक सेवा अध्यक्ष सुजय गावडे, नागेश शिरोडकर, श्वेता कोरगावकर, राकेश केसरकर, आनंद सावंत, राकेश किनळेकर, पंकज गावडे, गिरी गावडे, अक्षय गाड, अमित कोरगावकर, विजय साईल, मनीष नाईक, प्रीती कुशे, केसर वानिवडेकर, राजन गावडे, भास्कर गावडे, बाबा गावडे, बापू गावकर आदी उपस्थित होते. सूत्रसंचालन राकेश केसरकर यांनी केले.