पाचाडमधील ग्रामस्थांनी बांधले सात बंधारे

-ratchl१४१.jpg-
२५N७७४५७
चिपळूण ः पाचाड चिलेवाडी येथे ग्रामस्थांना मार्गदर्शन करताना माजी सभापती शौकत मुकादम.
----
पाचाडमध्ये बांधले सात बंधारे
पाणी अडवा, पाणी जिरवा ; पडीक जागेवर वृक्षारोपण
सकाळ वृत्तसेवा
चिपळूण, ता. १४ ः तालुक्यातील पाचाड चिलेवाडी येथील ग्रामस्थ आणि मुंबईतील चाकरमान्यांनी एकत्र येत ‘पाणी आडवा, पाणी जिरवा’ या उपक्रमांतर्गत श्रमदानातून सात बंधारे उभारले आहेत. याचबरोबर गावातील पडीक जागांमध्ये मोठ्या प्रमाणात वृक्ष लागवडही केली. गावातील अंतर्गत रस्त्यांवरील झाडाझुडपांची स्वच्छताही केली. या उपक्रमामुळे पर्यावरण जपण्याबरोबरच पाण्याचा साठा आणि शाश्वत शेतीला हातभार लागणार माजी सभापती शौकत मुकादम यांनी व्यक्त केले.
तालुक्यातील पाचाड येथे उन्हाळ्याच्या कालावधीत पाणी टंचाई भासते. येथे पाण्याचे मजबूत स्रोत उपलब्ध नसल्याने कळवंडे येथील धरण परिसरातून गावासाठी पाणी घेऊन पाणी पुरवठा योजना राबवावी लागते. दूरवरून पाणी आणावे लागत असल्याने त्याचा खर्चही वाढतो. तसेच अनेकदा गढूळ पाणी पुरवठ्याची समस्याही भेडसावते. यासाठी पाचाड चिलेवाडीतील ग्रामस्थ व चाकरमान्यांनी वाडीतच पाण्याचे चांगले स्रोत निर्माण करण्यावर भर दिला. डोंगर भागात मोठे खड्डे खोदून पावसाचे पाणी जिरवण्यावर भर दिला. सात बंधारे उभारून पाणी अडवून ते जिरवण्याचे काम केले. या कामांची माहिती मिळताच पर्यावरणप्रेमी शौकत मुकादम, राष्ट्रवादीचे प्रदेश सचिव जयंद्रथ खताते, कळबंस्तेचे सरपंच विकास गमरे, पंचायत समितीचे अधिकारी श्री. दाभोळकर यांनी पाचाड चिलेवाडीला भेट दिली. त्यांनी प्रत्यक्ष कामाची पाहणी करून स्थानिक ग्रामस्थ व मुंबई मंडळातील चाकरमान्यांचे विशेष कौतुक केले. मुंबई मंडळाचे अध्यक्ष श्री. चिले आणि सरपंच श्री. कुळे यांनी मान्यवरांचे स्वागत केले.