फळमाशी व्यवस्थापनाचे वाफोलीत शेतकऱ्यांना धडे

७७४७१

फळमाशी व्यवस्थापनाचे
वाफोलीत शेतकऱ्यांना धडे
सकाळ वृत्तसेवा
बांदा, ता. १४ ः डॉ. बाळासाहेब सावंत कोकण कृषी विद्यापीठ दापोली यांच्या संयुक्त विद्यमाने उद्यानविद्या महाविद्यालय मुळदेच्या विद्यार्थ्यांनी वाफोली येथील शेतकऱ्यांना ''बकेट ट्रॅप'' म्हणजे ''सापळे व्यवस्थापन'' तसेच ''मँगो फ्रूट फ्लाय'' म्हणजेच फळमाशी व्यवस्थापनाबाबत प्रात्यक्षिकाद्वारे मार्गदर्शन केले. वाफोली गावात नारळ, सुपारी बागायती मोठ्या प्रमाणात आहे. या बागायतीत लाल सोंड्या भुंगा व काळा गेंड्या भुंगा, उंदीर यांचे प्रमाण खूप जास्त असल्याने शेतकरी चिंताग्रस्त आहे. ही स्थिती लक्षात घेता या किडींपासून होणारा प्रादुर्भाव कशा पद्धतीने रोखता येईल, याचे मार्गदर्शन शेतकऱ्यांना करण्यात आले. या कार्यक्रमाला वाफोली गावातील शेतकऱ्यांनी व नागरिकांनी उत्स्फूर्त प्रतिसाद दिला. या कार्यक्रमाचे नियोजन श्री देवी माऊली देवस्थान समितीचे अध्यक्ष विलास गवस यांनी केले. शेतकऱ्यांना प्रज्ज्वल उगवेकर, आर्य मोरजकर, वैष्णव जगदाळे, राज नाईक, अथर्व देवळेकर, संतोष घेरडे, यश वाघ या विद्यार्थ्यांनी मार्गदर्शन केले. यावेळी शेतकरी सतीश गवस, मनोहर गवस, सचिन गवस, योगेश गवस, सखाराम गवस आदी उपस्थित होते.