किल्ले रायगडावर मोरपंखी पुस्तकाचे प्रकाशन

-rat१४p१५.jpg-
२५N७७४४४
रायगड : रत्नागिरीतील लेखक दीपक नागवेकर यांच्या मोरपंखी पुस्तकाचे प्रकाशन किल्ले रायगडावर करताना मान्यवर.
---------
रायगडावर मोरपंखी पुस्तकाचे प्रकाशन
दीपक नागवेकर लिखित ; डॉ. शीतल मालुसरे यांची उपस्थिती
सकाळ वृत्तसेवा
रत्नागिरी, ता. १४ : स्वराज्य राजधानी किल्ले रायगडाची जागतिक वारसास्थळात नोंद झाल्याक्षणी मोरपंखी पुस्तकाचे प्रकाशन होणे, हा योगायोग नसून लेखक दीपक नागवेकर यांचे सद्भाग्य आहे. रायगड म्हणजे अखंड हिंदुस्थानचे श्रद्धातीर्थ आहे. रायगडासारखे सर्वोच्च व्यासपीठ या पुस्तक प्रकाशनाला दुसरे कोणते मिळाले नसते, असे मत सुभेदार तानाजी मालुसरे यांच्या १३व्या वंशज, अभ्यासिका डॉ. शीतल मालुसरे यांनी व्यक्त केले.
नाचणे जिल्हा परिषद शाळेतील उपक्रमशील पदवीधर शिक्षक दीपक नागवेकर यांच्या मोरपंखी या ललित लेखसंग्रहाचे प्रकाशन रविवारी (ता. १३) स्वराज्याची राजधानी किल्ले रायगडावर झाले. या वेळी राजापूर-लांजा तालुका नागरिक संघाचे अध्यक्ष सुभाष लाड, महाडचे साहित्यिक अवि जंगम, इतिहास अभ्यासक सुनील कदम, विजय हटकर, महेंद्र साळवी, प्रकाश हर्चेकर, मंगेश चव्हाण, गणेश चव्हाण, रमेश काटकर, विराज चव्हाण उपस्थित होते. साहित्यिक जंगम यांनी मोरपंखीचे लेखक नागवेकर यांचे कौतुक करत साहित्यविश्वात विहार करण्यासाठी नागवेकरांनी आपले पंख अधिक बळकट करावेत, असे मत व्यक्त केले. या पुस्तकात ९० लेख आहेत. यापूर्वी नागवेकर यांच्या सोनतळ हा ललित लेखसंग्रह वस्त्रहरणकार गंगाराम गवाणकर यांच्या हस्ते माडबन समुद्रकिनारी झाले होते.