महाडिक विद्यालयात वृक्षारोपण अभियान

swt1424.jpg
77485
तळेरेः ‘एक पेड माँ के नाम’ उपक्रमांतर्गत रघुचीवाडी येथे वृक्षारोपण करण्यात आले.

महाडिक विद्यालयात वृक्षारोपण अभियान
तळेरे : येथील वामनराव महाडिक माध्यमिक विद्यालय व कनिष्ठ महाविद्यालयात मेरा युवा भारत सिंधुदुर्ग यांच्यावतीने ‘एक पेड माँ के नाम’ या उपक्रमांतर्गत तळेरे रघुचीवाडी येथील सिद्धिविनायक मंदिर परिसरात वृक्षारोपण करण्यात आले. यावेळी पालक, ग्रामस्थ, विद्यार्थी आणि शिक्षकांसह ग्रामस्थ सुहास तळेकर, प्रकाश तळेकर, दीपक तळेकर, जयराम साटम, प्रशालेचे एन.सी.सी. विभागाचे ऑफिसर एन. बी. तडवी, ज्येष्ठ शिक्षिका डी. सी. तळेकर, सहायक शिक्षिका एस. यू. सुर्वे, व्ही. डी. टाकळे उपस्थित होते. सिद्धिविनायक मंदिर परिसरात प्रशालेचे विद्यार्थी व शिक्षक यांनी ग्रामस्थांच्या मदतीने काजूच्या रोपांची लागवड केली. या उपक्रमाद्वारे सहभागी आईच्या सन्मानार्थ एक चिरस्थायी स्मृती निर्माण करतानाच पर्यावरण संवर्धनाबाबत विद्यार्थी व ग्रामस्थांमध्ये जनजागृती करण्यात आली.
..................
swt1425.jpg
77488
खारेपाटण ः स्वरा डोळ हिचे अभिनंदन करताना शिक्षक.

शिष्यवृत्ती परीक्षेत स्वरा डोळचे यश
तळेरे : फेब्रुवारीमध्ये घेण्यात आलेल्या पूर्व उच्च प्राथमिक शिष्यवृत्ती परीक्षेमध्ये खारेपाटण हायस्कूलची विद्यार्थिनी स्वरा डोळ हिने ७०.६६ गुण मिळवत जिल्हा गुणवत्ता यादीमध्ये ७३ वा क्रमांक प्राप्त केला. या यशामुळे स्वराला शिष्यवृत्ती प्राप्त झाली आहे. याबद्दल तिचे प्रशालेत अभिनंदन करण्यात आले. स्वराच्या या यशामध्ये तिला मार्गदर्शन करणारे शिक्षक श्री. ठाकूर व सौ. अमृते यांचे मोलाचे योगदान आहे. खारेपाटण पंचक्रोशी शिक्षण प्रसारक मंडळाचे अध्यक्ष प्रवीण लोकरे, उपाध्यक्ष भाऊ राणे, सचिव महेश कोळसुलकर, सर्व विश्वस्त, मुख्याध्यापक संजय सानप, पर्यवेक्षक राऊत व शिक्षक यांच्याकडून स्वराचे पुष्पगुच्छ देऊन कौतुक करण्यात आले.
...