पर्यावरण संतुलनासाठी वृक्षारोपण आवश्यक

kan145 .jpg
77493
किर्लोसः कृषी विज्ञान केंद्रामार्फत वृक्ष लागवड करताना राजेंद्र मगदूम.
-----------------
पर्यावरण संतुलनासाठी वृक्षारोपण आवश्यक
राजेंद्र मगदूमः किर्लोस कृषी विज्ञान केंद्रा मार्फत वृक्ष लागवड अभियान
कणकवली, ता. १५ ः पृथ्वीवरील पर्यावरण संतुलनासाठी वृक्षारोपण महत्त्वाची बाब आहे. पृथ्वीवरील सजीवांचे अस्तित्व व निसर्गाचा समतोल झाडांवर अवलंबून असून झाडे पर्यावरणाचा मुख्य घटक आहेत. त्यामुळे सर्वांनी ‘झाडे लावा झाडे जगवा’ हा संदेश आचरणात आणून निसर्गाचे संवर्धन करण्यासाठी पुढे सरसावले पाहिजे, असे मत जिल्हा विभागीय वन अधिकारी राजेंद्र मगदूम यांनी व्यक्त केले.
किर्लोस कृषी विज्ञान केंद्रा मार्फत वृक्ष लागवड अभियान कार्यक्रमाचे आयोजन केले होते. मगदूम यांच्या हस्ते फणस व जांभूळ झाडांची लागवड करून केंद्रातर्फे आयोजित केलेल्या वृक्ष लागवड अभियानास सुरुवात करण्यात आली.
मगदूम म्हणाले, दरवर्षी कृषी विज्ञान केंद्र वृक्ष लागवड अभियान राबवून महत्त्वाचे कार्य करत आहे. कार्यक्रमाला वनपरिक्षेत्र अधिकारी संदीप कुंभार यांनी मार्गदर्शन केले. ते म्हणाले झाडे हे पृथ्वीची फुफ्फुसे आहेत. ती ऑक्सिजन स्थिरीकरणाचे महत्त्वाचे कार्य करतात. प्रत्येकाने झाडे लावली पाहिजेत. वृक्ष लागवडीचा उपक्रम राबविला पाहिजे. झाडे लावा व दीर्घ आयुष्य जगा असे आवाहन त्यांनी केले. कार्यक्रमाला संस्था उपाध्यक्ष प्रदीप सावंत, वनपाल सदानंद परब उपस्थित होते.
कृषी विज्ञान केंद्राचे वरिष्ठ शास्त्रज्ञ व प्रमुख बाळकृष्ण गावडे, शास्त्रज्ञ भास्कर गाजरेकर, डॉ. विलास सावंत, विकास धामापूरकर, सुयश राणे, डॉ. केशव देसाई, विवेक सावंत भोसले, अधिकारी मंगेश पालव, नरेंद्र सावंत, सिद्धेश गावकर, झिलू घाडीगावकर, मिलिंद घाडीगावकर उपस्थित होते. नियोजन विवेक सावंत-भोसले यांनी केले.