मिलाग्रीस प्रशाळेत गुरुपौर्णिमा सोहळा

swt1428.jpg
77513
सावंतवाडी ः विद्यार्थ्यांनी वृक्ष भेट देऊन शिक्षकांना गुरुपौर्णिमेच्या शुभेच्छा दिल्या.

मिलाग्रीस प्रशाळेत गुरुपौर्णिमा साजरी
सावंतवाडीः येथील मिलाग्रीस हायस्कूलमध्ये गुरुपौर्णिमा मोठ्या उत्साहात साजरी करण्यात आली. गुरुपौर्णिमेचे औचित्य साधून प्रशालेतील सर्व गुरुवर्यांना शालेय मंत्रिमंडळातील सहभागी विद्यार्थ्यांच्या वतीने शुभेच्छा देण्यात आल्या. यावेळी विद्यार्थ्यांनी स्वतः बनविलेली भेट कार्ड तसेच पुष्पगुच्छ प्रशालेचे मुख्याध्यापक फादर रिचर्ड सालदाना, पर्यवेक्षिका संध्या मुणगेकर, मराठी प्रायमरी मुख्याध्यापिका सिस्टर कविता चांदी तसेच इंग्लिश प्रायमरी पर्यवेक्षिका क्लिटा परेरा या सर्वांना देत गुरुपौर्णिमेच्या शुभेच्छा दिल्या. गुरुप्रती आपले ऋण व्यक्त करण्यासाठी विद्यार्थ्यांनी छोटे रोपटे देऊन गुरुवर्यांचा सन्मान केला. यावेळी प्रशालेचे मुख्याध्यापक सालदाना यांना तसेच अन्य मान्यवरांना शालेय मंत्रिमंडळातील विद्यार्थी प्रतिनिधी रुथ डिसोजा हिने ओवाळणी करून शुभेच्छा दिल्या. मुख्याध्यापक सालदाना यांनी सर्वांना गुरुपौर्णिमेच्या शुभेच्छा दिल्या.
.............
swt1427.jpg
77512
नेमळे ः शिष्यवृत्ती परीक्षेतील यशस्वी विद्यार्थ्यांना गौरविताना मान्यवर.

नेमळे विद्यालयाचे शिष्यवृत्तीत यश
सावंतवाडीः नेमळे विद्यालयाचे तीन विद्यार्थी शिष्यवृत्ती गुणवता यादीत महाराष्ट्र राज्य परीक्षा परिषद, पुणे यांच्या वतीने आयोजित पूर्व उच्च प्राथमिक शिष्यवृत्ती परीक्षेत व पूर्व माध्यमिक शिष्यवृत्ती परीक्षेत नेमळे पंचक्रोशी माध्यमिक व उच्च माध्यमिक विद्यालयातील तीन विद्यार्थ्यांनी घवघवीत यश प्राप्त करून प्रशालेचे नाव उज्ज्वल केले. पूर्व माध्यमिक शिष्यवृत्ती परीक्षेत साक्षी दळवी हिने २१८ गुण प्राप्त करून ग्रामीण सर्वसाधारण शिष्यवृत्ती प्राप्त केली. ती जिल्ह्यात सहावी व तालुक्यात पहिली आली. निमिष राऊळ (१७४) ग्रामीण सर्वसाधारणमध्ये तालुक्यात १५ वा, पूर्व उच्च प्राथमिक शिष्यवृत्तीमध्ये प्रज्योत राऊळ (२१२) जिल्ह्यात ७४ वा व तालुक्यात १६ वा क्रमांक प्राप्त केला. यश प्राप्त विद्यार्थ्यांचे व मार्गदर्शक शिक्षकांचे संस्थेचे अध्यक्ष आ. भि. राऊळ, उपाध्यक्ष हेमंत भगत, मुख्य कार्यकारी अधिकारी रमाकांत प्रभूतेंडोलकर, सचिव स. पा. आळवे, संस्थेचे सर्व पदाधिकारी, प्राचार्या के. व्ही. बोवलेकर, शिक्षक, शिक्षकेतर कर्मचारी यांनी अभिनंदन केले. या विद्यार्थ्यांना यू. यू. राऊळ, लवू जाधव, आर. के. राठोड, नितीन धामापूरकर, एम. पी. सारंग, नेत्रा चव्हाण, के. पी. मयेकर यांचे मार्गदर्शन लाभले.