कथ्थक नृत्य

-rat१५p५.jpg-
२५N७७६००
रत्नागिरी : कथ्थक नृत्यांगना गुरू रूपाली लिमये यांच्या गुरुपौर्णिमा कार्यक्रमात उपस्थित विद्यार्थिनी.
---
‘वेदश्री’तर्फे कथ्थक नृत्यवंदना
सकाळ वृत्तसेवा
रत्नागिरी, ता. १५ : येथील कथ्थक नृत्यांगना गुरू रूपाली लिमये यांच्या वेदश्री नृत्यालयाचा गुरुपौर्णिमा कार्यक्रम साजरा करण्यात आला. गुरूंप्रति आदरभावना व्यक्त करण्यासाठी याचे नियोजन केले होते.
भगिनी मंडळाच्या हॉलमध्ये हा कार्यक्रम झाला. कार्यक्रमाचे नियोजन नृत्यदिग्दर्शन हे रूपाली लिमये, विशारदाच्या विद्यार्थिनी सारा काळे, जिज्ञा बोरवणकर आणि त्रिवेणी चवंडे या विद्यार्थिनींनी केले. सुरुवातीला विद्यार्थिनींनी गुरूंचे गुरुपूजन केले. कार्यक्रमासाठी हार्मोनिअम वादक विलास हर्षे प्रमुख पाहुणे म्हणून उपस्थित होते. गुरू लिमये यांच्या गुरुवंदनेने कार्यक्रमाला सुरुवात झाली. त्यानंतर मुलींनी वंदना सादर केली. त्यामध्ये वय वर्षे ६ ते ५० पेक्षा अधिक वयोगटातील विद्यार्थिनींचा सहभाग होता. त्यानंतर नांदी, प्रार्थना आणि एकापेक्षा एक अत्यंत सुंदर नृत्याविष्कार सादर करण्यात आले. विद्यार्थी आणि पालक यांनी मनोगते आणि भावना व्यक्त केल्या. निवेदन पालक मृण्मयी कुलकर्णी यांनी केले. कार्यक्रमामध्ये राज्ञी साळवी, दिव्या फळणीकर, सावनी, ईश्वरी, साक्षी, श्रावी, आराध्या साळवी, तीर्था, कनक, वरदा, आराध्या कुलकर्णी, केतकी कारेकर, दिव्या, स्मिता, जिज्ञा, सारा त्रिवेणी, प्रियंका, चैत्राली लिमये, पंकजा या आजी-माजी विद्यार्थिनींनी नृत्यकला सादर केली.