शिष्यवृत्ती परीक्षेत वसंत गवसचे यश

swt1510.jpg
77708
सावंतवाडीः वसंत गवस याचे अभिनंदन करताना मुख्याध्यापिका निर्मला हेशागोळ.

शिष्यवृत्ती परीक्षेत वसंत गवसचे यश
सावंतवाडीः महाराष्ट्र राज्य परीक्षा परिषदेच्यातर्फे घेण्यात येणाऱ्या पूर्व माध्यमिक शिष्यवृत्ती परीक्षेत सेंट्रल इंग्लिश स्कूलचा विद्यार्थी वसंत गवस (७०.९४) हा शहरी विभागात जिल्ह्यात १६ व्या क्रमांकावर येत शिष्यवृतीसाठी पात्र ठरला. त्याला स्मृती गवस, मारिया पिंटो, फिरदोस खॉजा, तेहसीन मिर या शिक्षकांचे मार्गदर्शन लाभले. सावंतवाडी मर्कझी जमात, बॉम्बे संस्थेचे पदाधिकारी, प्रशालेच्या मुख्याध्यापिका निर्मला हेशागोळ, सर्व शिक्षक व शिक्षकेतर कर्मचारी, पालक-शिक्षक संघ कार्यकारिणी समितीचे पदाधिकारी यांनी वसंत व त्याच्या पालकांचे अभिनंदन केले.
...................
swt1514.jpg
77709
सावंतवाडी ः नयोमी साटम यांचे स्वागत करताना श्वेता कोरगावकर व इतर महिला पदाधिकारी.

भाजप महिला मोर्चातर्फे साटमांचे स्वागत
सिंधुदुर्गनगरीः भाजप महिला मोर्चाच्या वतीने जिल्ह्याच्या नूतन अप्पर पोलिस अधीक्षक नयोमी साटम यांची भेट घेत त्यांचे स्वागत करण्यात आले. साटम यांनी पदभार स्वीकारला आहे. भाजप महिला मोर्चाच्या वतीने जिल्हाध्यक्षा श्वेता कोरगावकर यांच्या हस्ते पुष्पगुच्छ देऊन त्यांचे स्वागत व अभिनंदन करण्यात आले. सिंधुदुर्ग जिल्ह्यातील कणकवली तालुक्यातील वरवडे फळसेवाडी येथील सिंधुकन्या पोलिस खात्यात अप्पर पोलिस अधीक्षक या पदावर काम करते, हे महिला वर्गाला अभिमानास्पद आहे, असे उद्गार याप्रसंगी जिल्हाध्यक्षा कोरगावकर यांनी काढले. यावेळी प्रदेश उपाध्यक्ष प्रज्ञा ढवण, जिल्हा पदाधिकारी मेघा गांगण, सावी लोके, प्राची तावडे, हर्षदा वाळके, आरती पाटील, सुप्रिया वालावलकर, सुजाता पडवळ, मोहिनी मडगावकर, साधना माडये आदी उपस्थित होत्या.