-वाढावेसराडमध्ये नांगरणी स्पर्धेचे उदघाटन

वाढावेसराडमध्ये
नांगरणी स्पर्धा
संगमेश्वर, ता. १५ ः संयम, चिकाटी आणि जिद्द यांच्या कसोटीवर उतरलेले स्पर्धक हेच आपल्या ग्रामीण भागाचे खरे हिरो आहेत. तेच कोकणातील पारंपरिक शेतीपद्धतींचा सन्मान जपत आहेत. या स्पर्धेमुळे एक सामाजिक एकात्मता आणि कृषीप्रेरणा देखील रूजते, असे प्रतिपादन पालकमंत्री उदय सामंत यांनी केले. संगमेश्वर तालुक्यातील बळीराजा वाढावेसराड पावसकरवाडी व संगमेश्वर तालुका शिवसेनेतर्फे आयोजित सामूहिक नांगरणी व भातलावणी स्पर्धेच्या उद्‍घाटनावेळी ते बोलत होते. आपल्या संगमेश्वर परिसरातील छत्रपती संभाजी महाराज स्मारक उभारणीसुद्धा अंतिम टप्प्यात आहे. लवकरच त्या स्मारकाच्या बांधकामास अधिकृत सुरुवात होणार आहे, असे सामंत यानी सांगितले.