अमर खामकरांना राजश्री शाहू महाराज राष्ट्रीय सन्मान पुरस्कार

-rat१५p३३.jpg-
२५N७७६७०
कोल्हापूर ः कुर्णे येथील लेखक अमर खामकर राजर्षी शाहू महाराज राष्ट्रीय सन्मान पुरस्कार स्वीकारताना.
---
अमर खामकर यांना राजर्षी शाहू महाराज राष्ट्रीय सन्मान पुरस्कार
कोल्हापुरात वितरण सोहळा ; घरगुती मोफत वाचनालय, मराठी साहित्यात भर
सकाळ वृत्तसेवा
रत्नागिरी, ता. १५ ः कुर्णे (ता. लांजा) येथील लेखक-दिग्दर्शक, अभिनेता अशा चौकटीत काम करणारे अमर खामकर यांना ‘राजर्षी शाहू महाराज राष्ट्रीय सन्मान पुरस्कार २०२५’ प्राप्त झाला. लेखन-दिग्दर्शनासोबतच सामाजिक कार्याबद्दल कोल्हापूर येथील राजर्षी शाहू स्मारक भवन येथे मानाचा फेटा, मानपत्र तसेच राजर्षी शाहू महाराज राष्ट्रीय सन्मान पुरस्काराने सन्मानित करण्यात आले.
अमर खामकर यांनी रत्नागिरीतील रमेश कीर कला अकादमीतून नाट्यतंत्राचे शिक्षण घेऊन बाहेर पडल्यानंतर नेहमीच चौकटी मोडून विचार करणाऱ्या या अवलियाने शब्दांगार, अतिवास्तव, महानायक, तीनसान यांसारखी दर्जेदार नाटके लिहून मराठी साहित्यात भर टाकण्याचे काम केले आहे. २०१८ तालुक्यातील पहिलं घरगुती मोफत वाचनालय सुरू केलं. सांस्कृतिक आणि सामाजिक कार्यातील योगदान लक्षात घेऊन राजर्षी शाहू महाराज राष्ट्रीय सन्मान पुरस्काराने सन्मानित करण्यात आले. यावेळी विविध क्षेत्रातील मान्यवरांची उपस्थिती होती.