दापोली-हर्णै-पाज मच्छीमार संस्थेची निवडणूक बिनविरोध

हर्णै-पाज मच्छीमार संस्थेची
पंचवार्षिक निवडणूक बिनविरोध
दापोली, ता. १५ : हर्णै पाज सहकारी मच्छीमार संस्थेच्या संचालक मंडळाची पंचवार्षिक निवडणूक बिनविरोध झाली आहे.
या संस्थेच्या सर्वसाधारण प्रतिनिधी गटातून शैलेंद्र किसन कालेकर, अनंत लखमा चोगले, रमेश रामचंद्र चोगले, जनार्दन धर्मा पाटील, सहदेव लक्ष्मण पाटील, कैलास लक्ष्मण पावसे, रामकृष्ण हरिश्चंद्र भोईनकर, वसंत रामचंद्र वाघे, महिला प्रतिनिधी गटातून रूपाली जीवन कुलाबकर, तारका जगन्नाथ चुनेकर, अनुसूचित जाती, जमाती प्रतिनिधी गटातून केशव नारायण वाघे. इतर मागास प्रवर्ग प्रतिनिधी गटातून लईक याकूब शेखनाग, भटक्या जाती, जमाती व विशेष मागास प्रवर्ग गटातून अंकुश नरेश दोरकुळकर असे १३ संचालक बिनविरोध निवडून आले आहेत.
निवडणुकीसाठी ३९ सभासदांनी उमेदवारी अर्ज दाखल केले होते; मात्र उमेदवारी अर्ज मागे घेण्याच्या अखेरच्या दिवसांपर्यंत २६ उमेदवारांनी अर्ज मागे घेतल्याने ही निवडणूक बिनविरोध झाली. निवडणूक बिनविरोध झाल्यामुळे पाजपंढरी येथे विजयी उमेदवारांनी जल्लोषात मिरवणूक काढली. कोणताही अनुचित प्रकार घडू नये यासाठी पोलिस निरीक्षक महेश तोरस्कर, उपनिरीक्षक राजकुमार यादव, हेडकॉन्स्टेबल संतोष सडकर यांच्या उपस्थितीत पोलिस बंदोबस्त ठेवण्यात आला होता. या वेळी निवडणूक निर्णय अधिकारी म्हणून किशोर पाटील यांनी काम पाहिले.