पुण्यातील सिंधुदुर्ग भवनात उत्कर्ष मंडळातर्फे जल्लोष

swt1528.jpg
77770
पुणे ः सिंधुदुर्ग जिल्हा उत्कर्ष मंडळाच्या वतीने आनंदोत्सव साजरा केला.

पुण्यातील सिंधुदुर्ग भवनात
उत्कर्ष मंडळातर्फे जल्लोष
सकाळ वृत्तसेवा
तळेरे, ता. १५ : छत्रपती शिवाजी महाराजांनी बांधलेले महाराष्ट्रातील अकरा किल्ले युनेस्कोच्या जागतिक वारसा नामांकन यादीत समाविष्ट झाल्याबद्दल पुणे येथील सिंधुदुर्ग जिल्हा उत्कर्ष मंडळाच्या वतीने आनंदोत्सव साजरा करण्यात आला. सिंधुदुर्ग किल्ल्यासह राजधानी रायगड अशा १२ किल्ल्यांना जागतिक दर्जा मिळाल्यामुळे वैभवशाली कोकण पुन्हा स्वाभिमानाने प्रगतीची वाटचाल करेल, असा आशावाद मंडळाचे अध्यक्ष तथा कासार्डे गावचे सुपुत्र अजय पाताडे यांनी व्यक्त केला.
सिंधुदुर्ग जिल्हा उत्कर्ष मंडळाच्या वतीने डांगे चौक, थेरगाव येथील ‘सिंधुदुर्ग भवन’ येथे फटाके वाजवून, पेढे वाटून, फुगड्या खेळत, ढोल-ताशाच्या तालावर नाचत आनंदोत्सव साजरा केला. यावेळी कोकण विकास महासंघाचे अध्यक्ष डॉ. कैलास कदम, महाराष्ट्र नवनिर्माण सेना विद्यार्थी आघाडीचे शहराध्यक्ष अनिकेत प्रभू, सिंधुदुर्ग जिल्हा उत्कर्ष मंडळातील कार्यकर्ते मोठ्या संख्येने उपस्थित होते. प्रास्ताविक अजय पाताडे यांनी केले. आभार परशुराम प्रभू यांनी मानले.