वेंगुर्लेतील १५ गावांत असणार महिलाराज

77775

वेंगुर्लेतील १५ गावांत असणार महिलाराज

सकाळ वृत्तसेवा
वेंगुर्ले, ता. १५ ः तालुक्यातील ३० ग्रामपंचायतींच्या सरपंच पदासाठी सोडतीनुसार तहसीलदार ओंकार ओतारी यांनी तहसील कार्यालयात झालेल्या बैठकीत खालील आरक्षण जाहीर केले. यामध्ये १५ गावांतील सरपंच पदावर महिला राज येणार आहे.

येथील तहसील कार्यालयातील सभागृहात ही बैठक झाली. यावेळी नायब तहसीलदार राजन गवस यांच्यासह मेढा सरपंच अवधूत रेगे, पेंडूर सरपंच संतोष गावडे, वायंगणी सरपंच अवि दुतोंडकर, केळुस सरपंच योगेश शेट्ये, कुशेवाडा सरपंच नीलेश सामंत, पालकरवाडी सरपंच बंड्या पाटील, भाजप तालुकाध्यक्ष पप्पू परब, सामाजिक कार्यकर्ते कमलेश गावडे, माजी पंचायत समिती सदस्य चित्रा कनयाळकर, समीर कुडाळकर, सायमन आल्मेडा, मनोहर येरम, अरविंद नाईक, नीलेश वैद्य यांच्यासह लोकप्रतिनिधी उपस्थित होते. दोन विद्यार्थ्यांच्या मदतीने चिठ्ठी काढून काही आरक्षण जाहीर करण्यात आले. एकूण ३० ग्रामपंचायतीच्या सरपंच पदाच्या आरक्षणमध्ये खुला प्रवर्ग १०, खुला महिला प्रवर्ग ११, नागरिकांचा मागास प्रवर्ग ४, नागरिकांचा मागास प्रवर्ग महिला ४ आणि अनुसूचित जाती प्रवर्ग १ जागा यांचा समावेश आहे.
जाहीर आरक्षणामध्ये सर्वसाधारण (खुल्या) प्रवर्ग ग्रामपंचायत केळुस, परबवाडा, वेतोरे, भोगवे, तुळस, पाल, आडेली, चिपी, होडावडा, मोचेमाड यांच्यासाठी आरक्षित झाला आहे. सर्वसाधारण (खुला) महिला प्रवर्ग उभादांडा, आसोली, पालकरवाडी, कोचरा, मेढा, रेडी, दाभोली, पेंडूर, खानोली, वायंगणी, आरवली यांच्यासाठी आरक्षित झाला आहे. नागरिकांचा मागास प्रवर्गसाठी वजराट, शिरोडा, मठ, म्हापण या ग्रामपंचायत आरक्षित झाल्या आहेत. नागरीकांचा मागास प्रवर्ग महिलासाठी परुळेबाजार, अणसुर, कुशेवाडा, सागरतीर्थ या ग्रामपंचायती आरक्षित झाल्या आहेत. तर अनुसूचित जाती या जागेसाठी मातोंड ग्रामपंचायत आरक्षित झाली आहे.