सार्वजनिक ठिकाणी मद्यपान ; पाचजणांविरुद्ध गुन्हा

दारू प्यायल्याने
पाच जणांविरुद्ध गुन्हा
रत्नागिरी ः शहरातील साळवी स्टॉप, प्रमोद महाजन क्रीडा संकुल येथील सार्वजनिक ठिकाणी मद्यपान करणाऱ्या पाच जणांविरुद्ध शहर पोलिसांत गुन्हा दाखल केला आहे. श्रवण उदयभान गौडवय (वय २२, रा. पुष्पेंद्रनगर, साळवी स्टॉप, रत्नागिरी), हर्षवर्धन सुहास वाटवे (वय ३४, रा. बंदर रोड-मांडवी रत्नागिरी), वसीम अब्दुल रहामान तांडेल (वय ४०, रा. राजीवडा, मच्छी मार्केट, रत्नागिरी), इरशाद आदम कोतवडेकर (वय ४१, रा. राजीवडा-मच्छी मार्केट, रत्नागिरी), मतीन बशीर वस्ता (वय ४३, राजीवडा-मच्छी मार्केट, रत्नागिरी) अशी संशयितांची नावे आहेत. या घटना रविवारी (ता. १३) सायंकाळी साडेसहा ते पावणेनऊच्या सुमारास शहरातील साळवी स्टॉप ते प्रमोद महाजन क्रीडा संकुल येथील सार्वजनिक ठिकाणी निदर्शनास आल्या. तर तालुक्यातील खालगाव-गोताडवाडी फाटा येथील सार्वजनिक ठिकाणी दारू पिणाऱ्या तरुणाविरुद्ध ग्रामीण पोलिसांत गुन्हा दाखल केला आहे. प्रशांत कृष्णा निंबरे (वय ३६, रा. खालगाव-जाकादेवी, आंबेडकर भवन बाजूला, रत्नागिरी) असे संशयिताचे नाव आहे. ही घटना सोमवारी (ता. १४) सायंकाळी पावणेसहाच्या सुमारास खालगाव-गोताडवाडी फाट्याच्या बाजूला झाडीच्या आडोशाला निदर्शनास आली.
---------------
दारू पिऊन दंगा
प्रकरणी गुन्हा दाखल
रत्नागिरी ः मुख्य न्यायदंडाधिकारी-रत्नागिरी यांच्या चेंबरमध्ये मेडिटेशन सुरू असताना मद्यपान करून हातवारे व आरडाओरडा करणाऱ्या संशयिताविरुद्ध शहर पोलिसांत गुन्हा दाखल केला आहे. दशरथ हिंदूराव सुर्वे (वय ४२, रा. जावकर प्लाझा, सी विंग, जयस्तंभ, रत्नागिरी) असे संशयिताचे नाव आहे. ही घटना सोमवारी (ता. १४) दुपारी साडेतीनच्या सुमारास मुख्य न्यायदंडाधिकारी यांच्या चेंबरमध्ये घडली. पोलिसांकडून मिळालेल्या माहितीनुसार, मुख्य न्यायदंडाधिकारी पिंगळे यांच्या चेंबरमध्ये मॅरेज पीटिशन, मेडिटेशन सुरू असताना संशयित दशरथ सुर्वे याने मद्याच्या अमलाखाली सार्वजनिक ठिकाणी हातवारे करून मोठमोठ्याने आरडाओरडा केली.
--------------
वाहून गेलेल्या
प्रौढाचा मृत्यू
रत्नागिरी ः मासेमारी करताना पाण्यात वाहून गेलेला प्रौढ उंडी समुद्रकिनारी वानाजवळ खडकाळ भागात सापडला. उपचारासाठी त्यांना प्राथमिक आरोग्य केंद्र, वाटद-खंडाळा येथे दाखल केले असता तेथील वैद्यकीय अधिकाऱ्यांनी त्यांना तपासून मृत घोषित केले. जयगड पोलिसांत आकस्मिक मृत्यूची नोंद केली आहे. अरुण गणपत गावणकर (वय ५६, रा. उंडी, रत्नागिरी) असे मृत प्रौढाचे नाव आहे. ही घटना सोमवारी (ता. १४) सकाळी सव्वाआठच्या सुमारास प्राथमिक आरोग्य केंद्र, वाटद येथे घडली.